काठमाडौं, ८ वैशाख । गृहमन्त्री बालकृष्ण खाँणले ललितपुरको औद्योगिक क्षेत्रभित्र रहेको सगरमाथा अक्सिजन प्लान्टमा भएकाे विस्फाेटकाे छानबिन गर्न निर्देशन दिएका छन् ।
गृहमन्त्री खाँणले गृहसचिव टेकनारायण पाण्डे, ललितपुरका प्रमुख जिल्ला अधिकारी घनश्याम उपाध्याय, महानगरीय प्रहरी परिसर ललितपुरका प्रहरी वरिष्ठ उपरीक्षक यज्ञविनाेद पाेखरेल र सशस्त्र प्रहरीका ललितपुर प्रमुख उपरीक्षक विकास घिमिरेलाई घाइतेको तत्काल उद्धार गर्न र घटनाको छानबिन गर्न निर्देशन दिएका हुन् ।
ललितपुरका प्रजिअ उपाध्यायका अनुसार विस्फाेटमा एक जनाको मृत्यु भएको छ । एक जना गम्भीर घाइते र पाँच जना घाइते भएका छन् । घाइतेहरूलाई अस्पतालमा लगिसकिएकाे प्रजिअ उपाध्यायले बताए ।
अक्सिजन भर्ने क्रममा एक्कासि विस्फाेट भएको महानगरीय प्रहरी परिसर ललितपुरले जनाएको छ । अहिले प्रहरीले प्लान्टमा कार्यरत अन्य श्रमिकलाई उद्धार गरिरहेको छ ।
