Nepal Times
Nepal Times
3
Shares

भूकम्प गएको खोटाङमा पटक–पटक पराकम्प, भौतिक संरचनामा क्षति

भूकम्प गएको खोटाङमा पटक–पटक पराकम्प, भौतिक संरचनामा क्षति

१५ साउन, खोटाङ । ६ रेक्टर स्केलको भूकम्प गएको खोटाङमा पटक–पटक परकम्प गएको छ । उक्त भूकम्पको धक्का पूर्वी नेपाल र काठमाडौँमा समेत महसूस भएको थियो ।

बिहान ८ बजेर १३ मिनेट जाँदा साकेला गाउँपालिका वडा नम्बर ४ को मात्तिमबिर्ता केन्द्रबिन्दु भएर ६ रेक्टर स्केलको भूकम्प गएको थियो ।

भूकम्प गएलगत्तै पटक–पटक परकम्प गएको खोटाङको साकेला गाउँपालिकाका अध्यक्ष रविप्रकाश राईले जानकारी दिए ।

भूकम्पले भौतिक संरचनामा क्षति पुर्याएको छ । तर, यकिन विवरण आइनसकेको उनले बताए । अहिले पालिकाका जनप्रतिनिधि, उद्धारकर्मी र सुरक्षाकर्मीको टोली भूकम्प प्रभावित क्षेत्रमा पुगेका छन् ।

उनीहरुले क्षतिको विवरण सङ्कलन गरिरहेका साकेला गाउँपालिकाका अध्यक्ष राईले बताए । लगातार परकम्प गइरहेकाले जोखिम बढेको भन्दै उनले स्थानीय बासिन्दालाई सुरक्षित रहन पनि आग्रह गरेका छन् । भूकम्प प्रभावित क्षेत्र दुर्गममा पर्छ ।

पानी पनि परिरहेकाले गाउँगाउँमा सम्पर्क गर्न कठिनाइ भएको छ । भूकम्पको केन्द्रबिन्दु मात्तिमबिर्तामा ढुङ्गा र माटोले बनेका दुईदेखि तीन तले कच्ची घरहरु रहेका त्यहाँका वडाअध्यक्ष अर्जुन कटवालले जानकारी दिए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.