Nepal Times
Nepal Times
3
Shares

राष्ट्रपतिले हार अस्वीकार गर्दा ब्राजिलमा उत्पात्

राष्ट्रपतिले हार अस्वीकार गर्दा ब्राजिलमा उत्पात्

१५ कात्तिक, एजेन्सी ।

ब्राजिलमा भर्खरै सम्पन्न भएको राष्ट्रपतीय निर्वाचनमा बहालवाला राष्ट्रपति जायर बोल्सोनारोले हारे ब्योहर्न पुगेका छन् । उनका प्रतिस्पर्धी लुला दा सिल्भाले ५०.९ प्रतिशत मत पाउँदा बोल्सोनारोले ४९.१ प्रतिशत मत मात्रै प्राप्त गरेपछि उनले हार ब्योहोरेका हुन् । तर बोल्सोनारोले यो हारलाई अस्वीकार गरेका छन् ।

सिल्भालाई राष्ट्रपतीय निर्वाचनको विजेता घोषणा गरेको २४ घण्टाभन्दा बढी समय भइसक्दा पनि पराजित बहालवाला राष्ट्रपति जयर बोल्सोनारुले अझै हार स्विकारेका छैनन् । यसकारण ब्राजिलले नयाँ दिग्गज बामपन्थी नेतालाई राष्ट्रपतिका रुपमा पाएपनि ब्राजिलको अवस्था बिग्रँदै गएको देखिन्छ ।

उग्र दक्षिणपन्थी राष्ट्रपति बोेल्सोनारोले चुनावी नतिजालाई स्वीकार नगर्ने र चुनौती दिन सक्ने आशंका गरिएको छ । उनको सरकारका एक क्याबिनेट मन्त्रीले बोल्सोनारोले मंगलबार चुनावी नतिजाहरूमा टिप्पणी गर्न सक्ने सम्भावना व्यक्त गरे । यसैबीच, बोल्सोनारोलाई समर्थन गर्ने ट्रक चालकहरूले ब्राजिलका धेरै ठाउँहरूमा महत्त्वपूर्ण सडकहरू अवरुद्ध गरेका छन् ।

समाचार एजेन्सी रोयटर्सका अनुसार यी विरोध प्रदर्शनको भिडियो फुटेजमा केही ट्रक चालकहरूले लुलालाई राष्ट्रपति बन्नबाट रोक्न सैन्य विद्रोहको आह्वान गरेको देखाइएको छ । ब्राजिलको संघीय हाइवे प्रहरीले प्रदर्शनकारीले ३२१ स्थानमा विरोध प्रदर्शन गरेर २६ राज्यमा पूर्ण वा आंशिक रुपमा सडक मार्ग बन्द गरेको जानकारी दिएको छ ।

ट्रक चालकहरूले सर्वोच्च अदालतको अगाडि चौबाटो घेराबन्दी गरेको खबर आएपछि प्रहरीले ब्राजिलियामा केन्द्रीय सरकारी कार्यालयहरू जाने बाटोहरू बन्द गरेको छ । डिजेलको मूल्य कम राख्ने जस्ता नीतिहरूका कारण ट्रक चालकहरू बोल्सोनारोका सबैभन्दा महत्त्वपूर्ण समर्थकहरू हुन् ।

यता लुलालाई ब्रिटेन, चीन, फ्रान्स, भारत र रुससहित संसारभरबाट बधाई आउने क्रम सुरु भएको छ । अमेरिकी राष्ट्रपति जो बाइडनले उनको जित “स्वतन्त्र, निष्पक्ष र भरपर्दो चुनावपछि“ आएको प्रतिक्रिया दिएका छन् । लुलाले १ जनवरी २०२३ मा शपथ लिनेछन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.