Nepal Times
Nepal Times
1.4k
Shares

विश्वकपमा इरानी खेलाडीलाई जेल वा नजरबन्द,हिजाबको विरोध,राष्ट्रिय गान बहिष्कार

विश्वकपमा इरानी खेलाडीलाई जेल वा नजरबन्द,हिजाबको विरोध,राष्ट्रिय गान बहिष्कार

६ मंसिर, एजेन्सी ।
कतारमा फिफा विश्वकप चलिरहेको छ । सोमबार मैदानमा इरान र इंग्ल्याण्डको टोली आमनेसामने भएका थिए । यो खेलमा इंग्ल्याण्डले ६–२ को अन्तरले ठूलो जित दर्ता गर्याे । खेल एक पक्षीय देखिएपनि इरानले इंग्ल्याण्डलाई दबाब मै राख्न खोज्यो । तर यो खेल अर्कै कारणले विवादमा छ ।

इरानको राष्ट्रिय टोलीले देशमा जारी महिला प्रदर्शनको समर्थनमा फुटबल खेल सुरु हुनु अघि आफ्नो राष्ट्रिय गान गाउन अस्वीकार गरेको छ। यसैकारण इरान फर्केपछि यो टोलीले गम्भीर परिणाम भोग्नुपर्ने हुनसक्छ, जसको चिन्ता बढ्दै गएको छ । २२ वर्षीया महसा अमिनीको इरानमा प्रहरी हिरासतमा मृत्यु भएको थियो ।

गलत तरिकाले हिजाब लगाएको भन्दै उनलाई पक्राउ गरिएको हो । त्यसयता इरानमा हिजाबको विरुद्धमा प्रदर्शनहरू भइरहेका छन् जुन धेरै देशहरूमा फैलिएको छ। यस क्रममा महिलाहरु हिजाब जलाएर कपाल काटेको पनि देखिएका छन् । सोमबार, इरानको फुटबल टोलीले महिलाहरूको समर्थनमा आफ्नो राष्ट्रिय गान नगाउने साहसी निर्णय गरेको छ।

स्टेडियममा उपस्थित इरानी दर्शकहरूले पनि आफ्नो राष्ट्रिय गानको विरोध गरेका थिए। अहिले यो टोलीमाथि ठूलो खतरा छ । खेलाडीहरूले शासन विरुद्ध आवाज उठाएमा कडा कारबाही भोग्न सक्छ। इरानी शासनले फुटबल खेलाडीहरु विरुद्ध पक्राउ पुर्जी जारी गरेको दाबी गरिएको छ ।

अन्तर्राष्ट्रिय मञ्चमा आफ्नो सरकारलाई चुनौती दिएकोमा, इरानी खेलाडीहरूलाई जेल हाल्न, घरमै नजरबन्दमा राख्न वा फुटबल बोर्ड आफैं भंग गर्न सकिनेछ । जसले टोलीलाई भविष्यमा हुने कुनै पनि अन्तर्राष्ट्रिय प्रतियोगिताहरूमा भाग लिनबाट रोक्छ। गत वर्ष युनाइटेड अरब इमिरेट्समा भएको टी–२० विश्वकपमा पनि यस्तै देखियो ।

क्रिकेट प्रतियोगिता हुनुभन्दा दुई महिनाअघि तालिवानले काबुल कब्जा गरेको थियो। संगठनले देशमा शरिया कानून र तालिबानी झण्डा लागू गरेको थियो। तर अफगानिस्तान क्रिकेट टोलीले स्कटल्याण्डविरुद्धको मैदानमा अफगानिस्तानको झण्डा बोकेको थियो । तालिवानको विरोधमा खेलाडीहरूले खेलअघि आफ्नो राष्ट्रिय गान गाए, जसमा सबैका आँखा रसाएका थिए ।

तपाईंको प्रतिक्रिया

© copyright 2022 and all right reserved to Nepal Times | Design By : InDesign Media Pvt. Ltd.