Nepal Times
Nepal Times
3
Shares

सरकार ढाल्न काँग्रेससहित भारत लाग्योः ओली

सरकार ढाल्न काँग्रेससहित भारत लाग्योः ओली

२३ पौष,काठमाण्डौ ।
नेकपा एमाले अध्यक्ष केपी शर्मा ओलीले नेकपा विभाजन नभएको भए आमनिर्वाचनमा दुईतिहाइ बहुमत ल्याउने दाबी गरेका छन् । एमालेको संसदका लागि आयोजना गरिएको प्रशिक्षण कार्यक्रममा ओलीले आफ्नो नेतृत्वको सरकारले असाधारण काम गरेको दाबी गर्दै पार्टी विभाजन नभएको भए दुईतिहाइ ल्याउने दाबी गरे ।

कम्युनिस्ट पार्टीहरु मजबुत भएको समयमा कमजोर पार्ने षड्यन्त्र हुने गरेको भन्दै ओलीले २०१७ साल, २०५१ साल र २०७४ सालपछि शक्तिशाली हुँदा आफूहरूमाथि षड्यन्त्र भएको आरोप लगाए । उनले चुनावपछि अहिले नयाँ परिस्थिति सिर्जना भएको बताएका छन् । ’अहिलेको स्थिति चुनावपछि जुन परिस्थिति आयो ।

नयाँ च्याप्टर सुरु भएको छ । मैले विश्वास लिएको छु हिजो कमीकमजोरी गरेका साथीहरूले पनि दोहो¥याउने छैनन् । यस्तै माधव नेपाललाई लक्षित गर्दै ओलीले एमालेसँग छुट्टिएर गएका र आफूहरूलाई चुनावमा टर्च बालेर खोज्नु पर्छ भन्नेहरु राष्ट्रिय पार्टी पनि बन्न नसकेको र नयाँ समीरकणलाई साथ पनि नदिएको भन्दै आलोचना गरे ।

यस्तै एकीकृत समाजवादीले स्पष्ट अडान नराखेको तथा कांग्रेसलाई समेत बोकिराखेको ओलीको टिप्पणी थियो । यस्तै ओलीले कांग्रेसका सभापति शेरबहादुर देउवाले अहिलेको प्रधानमन्त्री पुष्पकमल दाहाल प्रचण्डलाई विश्वासको मत पु¥याउन नदिन खुद्रा खेल खेलिरहेको आरोप पनि लगाएका छन् ।

उनले देउवाले अहिलेको सरकार असफल बनाउन प्रधानमन्त्ती पद बाँड्दै हिँडेको आरोप लगाए । कांग्रेसले पाँच वर्षसम्म सरकारको विरोध गर्ने र सरकार ढाल्न लाग्ने भन्दै ओलीले त्यसैकारण अहिलेको गठबन्धनको अन्तरविरोधमा खेल्न खोजेको आरोप लगाए ।

यस्तै ओलीले प्रचण्डको सरकार ढाल्न छिमेकी देशहरु लागि परेको पनि दाबी गरेका छन् ।उनले बाह्य हस्तक्षेप स्वीकार नगर्ने पनि जनाए । ओलीले यसपटक नेपालीले नै सरकार बनाएर सफलता प्राप्त गरेको उल्लेख गरे ।

अहिले कूटनीतिक गतिविधि बढेको भन्दै ओलीले यस्ता क्रियाकलाप बन्द गर्न र सार्वभौम सिद्धान्त अनुसार चल्न छिमेकी र मित्रराष्ट्रहरूलाई आग्रह समेत गरे । कार्यक्रममा ओलीले पार्टीका निर्वाचित सांसदहरू अगामी २६ गते पुष्पकमल दाहाल प्रचण्ड नेतृत्वको सरकालाई विश्वासको मत दिलाउन आग्रह गरेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.