Nepal Times
Nepal Times
198
Shares

साउदीमा ४ सय नेपालीलाई दिइयो बहिर्गमन भिसा

साउदीमा ४ सय नेपालीलाई दिइयो बहिर्गमन भिसा

२५ पौष,एजेन्सी ।
साउदी अरेबियामा ४ सय नेपालीलाई बहिर्गमन भिसा दिइएको छ । वैदेशिक रोजगारको क्रममा लामो समयदेखि कार्यरत रहँदा सम्बन्धित कम्पनीले इकामा नवीकरण नगरेको, हुरुप लगाएका तथा अन्य कारणले अलपत्र परेका नेपालीको लागि साउदी सरकारले बहिर्गमन भिसा जारी गरेको हो ।

नेपाली दूतावास रियादको सहयोगमा साउदी सरकारले एक महिना भित्रमा ४५६ जना नेपालीको बहिर्गमन भिसा जारी गरेको हो । जसबाट उनीहरू सहजैरूपमा स्वदेश फिर्ता हुने भएका छन् भने भिसा प्राप्त गरेकाले अब ७ दिन भित्र साउदी अरेबिया छोड्नु व्यवस्था छ ।

बहिर्गमन भिसा बारे बारेमा नेपाली दूतावास रियादले नेपाली कामदारको सुचना जारी गदै बहिर्गमन एक्जिट भिसा प्रोसेसिङ् निःशुल्क हुनेछ भने बहिर्गमन भिसा पाएकाले स्वदेश फिर्ताको लागि हवाई टिकट स्वयंले व्यवस्था गर्नुपर्नेछ । बहिर्गमन भिसा लिन साउदी सरकारले विभिन्न मापदण्ड तोकेको छ ।

साउदी स्थित नेपाली दूतावासका अनुसार बहिर्गमन भिसाको मापदण्ड यस्ता छनः
– इकामाको (आईडी) म्याद सकिएको ३ महिना भन्दा बढि भैसकेका,
– साउदी अरेबिया आएको ३ महिना भन्दा बढि समयसम्म पनि इकामा नबनेका
– हुरूब लागेका कामदारको मात्र दूतावासबाट एक्जिट भिसा प्रोसेसिङ् गरिने
–इकामाको म्याद भएकाहरूको एक्जिट भिसा प्रोसेसिङ् दूतावासबाट गर्न नमिल्ने
– कामदारको कुनै केस वा फाइन÷जरिवाना छ भने त्यो केस वा फाइन/जरिवाना क्लियर नभएसम्म एक्जिट भिसा नलाग्ने

एक्जिट भिसा दिने सम्पूर्ण अधिकार साउदीको अध्यागमन (जवाजत) अफिससँग रहेकाले दूतावासले एक्जिट भिसाको लागि प्रोसेस मात्रै गरिदिने जनाएको छ । साउदीमा कार्यरत रहँदा जुन ठाउँबाट आफ्नो इकामा बनेको हो त्यही ठाउँको श्रम कार्यालय र अध्यागमन (जवाजत) कार्यालयबाट मात्रै एक्जिट भिसाको प्रोसेसिङ गर्नुपर्ने साउदी नियम छ ।

एक्जिट भिसा प्रोसेसिङका लागि नेपाली दूतावास रियादले सम्पर्क नंबर ०५००० २१४०९ वा ०५४ ७०४ ५२७२ र नेपाली महावाणिज्य दूतावास जेद्दाले ०५८ २८१ ७१८८ सार्वजनिक गरेका छन भने नेपाली दुतावासले साउदीमा कार्यरत नेपालीलाई राहदानी नवीकरण गर्न अस्थायी रुपमा राहदानी आवेदन संकलनका लागी साउदीको ताबुक, आभा, खमिस, दमाम , जुवेल, रियाद, जेद्दा, हाईल, शहरमा कार्यालय व्यवस्था गरेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.