Nepal Times
Nepal Times
189
Shares

सीके राउतले जनप्रतिनिधिको कामको जाँच गर्ने

सीके राउतले जनप्रतिनिधिको कामको जाँच गर्ने

जनमतले जनप्रतिनिधिको परीक्षण गर्ने
सीके राउतले जनप्रतिनिधिको कामको जाँच गर्ने
७ जेठ ,काठमाण्डौ ।
गएको मंसिर ४ को निर्वाचनबाट राष्ट्रिय राजनीतिमा मधेसको बलियो शक्तिका रुपमा उदाएको जनमत पार्टीले आफ्नो पार्टीबाट निर्वाचित स्थानीय तहका जनप्रतिनिधिले जनअपेक्षाअनुसार काम गरे÷नगरेको परीक्षण गर्ने भएको छ ।

जनमत पार्टीका अध्यक्ष सीके राउतले आइतवार पार्टीबाट निर्वाचित स्थानीय तहका जनप्रतिनिधिलाई पत्र लेख्दै आउदो साउन ६ गते सम्बन्धित पालिका र वडामा जनमत संग्रह हुने जानकारी दिएका हुन् । जनमतले स्थानीय तह निर्वाचन भएको एक वर्ष पुगेको अवसरमा जनप्रतिधिको कार्यलाई जनताले अनुमोदन गरेको छ वा छैन भन्ने जानकारी लिन जनमतसंग्रह गराउन लागेको हो ।

जनमत पार्टी ‘राइट टू रिकल’ को अवधारणामा आस्था राख्ने पार्टी भएकोले पार्टीबाट निर्वाचित जनप्रतिनिधिहरूको समग्र कार्यमूल्याङ्कनगरी समय–समयमा सकारात्मक सुझाव दिएर अभिप्रेरित गर्ने, सचेत गराउने तर जनताको अपेक्षा प्रतिकूल भई नियन्त्रणबाहिर गए आवश्यक कारबाही गर्ने उनले स्मरण गरेका छन् ।

जनमत संग्रहमा तपाईंको जनप्रतिनिधिले जनमत पार्टीको अवधारणाअन्तर्गत जनताको लागि काम गरेको छ कि छैन ? भनेर प्रश्न गरिने छ । जसमा २०८० वैशाख ३० गतेसम्म सदस्यता लिएका सम्बन्धित वडा÷पालिकाको जनमत पार्टीका सदस्यहरूले मतदान गर्न पाउने छन् । केन्द्र सरकारबाट बाहिरिएको जनमत पार्टी मधेस सरकारबाट भने बाहिरिएको छैन् । यस्तै २ स्थानीय तहको प्रमुख जनमतले जितेको छ भने एक स्थानीय तहको उपप्रमुख जितेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.