१४ जेठ, एजेन्सी ।
आज विश्वको सबैभन्दा ठूलो लोकतान्त्रिक देश भारतमा नयाँ संसद भवनको उद्घाटन गरिएको छ । तर संसारको सबैभन्दा ठूलो संसद भवन भने रोमानियामा छ, जसमध्ये ३० प्रतिशत मात्र प्रयोग भएको छ र बाँकी ७० प्रतिशत खाली छ । संसदको दरबारलाई ‘नागरिक प्रयोजनका लागि प्रयोग हुने संसारकै सबैभन्दा ठूलो भवन’ मानिन्छ।
रोमानियाली संसद भवन कम्युनिष्ट नेता निकोला सेउसेस्कुको तानाशाही शासन अन्तर्गत निर्माण गरिएको विशाल र विवादास्पद संरचना हो। ८४ मिटर अग्लो भवन यसको भित्री डिजाइन र शिल्प कौशलको लागि प्रसिद्ध छ। सन् १९८४ मा निर्माण सुरु भए पनि यो भवन अझै अधुरो छ । भवनको क्षमताको ३० प्रतिशत मात्र प्रयोग भएको छ भने बाँकी ७० प्रतिशत खाली छ ।
अर्काे छ ब्राजिलको संसद भवन। यो ओस्कर निमेयर द्वारा डिजाइन गरिएको थियो र यसलाई ’ब्राजिलियन वास्तुकलाको अनुहार’ पनि भनिन्छ। कंग्रेसनल प्यालेसमा पाँच भागहरू छन्। यो भवन ‘तीन शक्तिको वर्ग’ मा अवस्थित छ जुन देशको ‘शक्ति केन्द्र’ हो। राष्ट्रपतिको कार्यालय र सर्वोच्च अदालत पनि त्यहीँ छ ।
यो भवन ब्राजिलको आधुनिकतावादी वास्तुकलाको प्रतीक हो। अर्काे छ श्रीलंकाको वर्तमान संसद भवन राजधानी कोलम्बोबाट करिब १६ किलोमिटर पूर्वमा डुवा नामक कृत्रिम टापुमा अवस्थित छ। यो पनि विश्वका ठूला संसद भवन भित्र पर्दछ । यसको डिजाइन देशमान्य जेफ्री बावाद्वारा गरिएको थियो।
२५ दशमलव ४ मिलियन भन्दा बढी लागतको यो परियोजना आधिकारिक रूपमा १९८२ मा पूरा भएको थियो। संसद परिसरलाई ‘फ्लोटिंग प्यालेस’ जस्तै बनाउने प्रयास भएको छ । भवनको डिजाइनले श्रीलंकाको स्थानीय वास्तुकलालाई हाइलाइट गर्दछ। अर्काे विशाल संसद भवन हो हंगेरी संसद भवन ।
यसको निमार्ण १९०२ मा पूरा भएको थियो । हंगेरीका वास्तुविद् इम्रे स्टिन्डलले डिजाइन गरेको भवन निर्माण गर्न मात्रै १७ वर्ष लागेको थियो । यो संसारको तेस्रो ठूलो संसद भवन हो । यहाँ ६९१ वटा भित्री कोठा,१० वटा आगन ,८८ हंगेरी शासकहरुका मूर्तिहरुसहित २८ प्रवेश द्वारहरु रहेका छन् ।
यो भवन १८ हजार वर्ग मिटर क्षेत्रफलमा फैलिएको छ । यसको पर्खालहरूमा मात्र २४२ मूर्तिहरू छन्। भवनको उद्घाटन ९ मे १९८८ मा तत्कालीन बेलायतकी महारानी र राष्ट्रमंडल प्रमुख एलिजाबेथ द्वितीयले गरेकी थिइन । यसलाई क्यापिटल हिल पनि भनिन्छ। यो भवन वास्तुकलाको आकर्षक उदाहरण हो ।
