३० भदौ, एजेन्सी ।
अमेरिकाका राष्ट्रिय सुरक्षा सल्लाहकार (एनएसए) जेक सुलिभानले युक्रेनका राष्ट्रपति भोलोदिमिर जेलेन्स्की अर्काे हप्ता अमेरिका आउने बताएका छन् । शुक्रबार पत्रकार सम्मेलनमा सुलिभानले राष्ट्रपति जो बाइडेनले युक्रेनी राष्ट्रपति जेलेन्स्कीलाई आगामी बिहीबार ह्वाइट हाउसमा स्वागत गर्ने बताए ।उनले ह्वाइट हाउसमा दुई नेताबीच तेस्रोपटक भेट हुन लागेको जानकारी दिए ।
उनले भने, ‘यो बैठक यस्तो समयमा भइरहेको छ, जतिबेला रुसले युक्रेनमा जारी युद्धमा उत्तर कोरियाजस्ता देशबाट सहयोग खोजिरहेको छ, त्यसविरुद्ध युक्रेनी सेनाको पनि प्रतिकारात्मक कारबाही अगाडि बढिरहेको छ र अर्काे हप्ता रक्षामन्त्री लोयड अस्टिनले हाम्रा धेरै सहयोगी र युरोपका हाम्रा सहयोगीसँग बैठक आयोजना गर्दैछन्।’
उनका अनुसार राष्ट्रपति बाइडेन युद्धमा उनीहरूको दृष्टिकोण बुझ्दै युक्रेनको स्वतन्त्रता र सार्वभौमसत्ताको संघर्षमा अमेरिकाको प्रतिबद्धता दोहो¥याउन चाहन्छन् । युक्रेनका लागि सैन्य सहयोगसँग सम्बन्धित प्रश्नको जवाफमा जेक सुलिभानले उक्त बैठकमा अमेरिकाले युक्रेनका लागि थप हतियार प्याकेज घोषणा गर्न सक्ने बताए ।
