Nepal Times
Nepal Times
3
Shares

शिखर धवनको सम्बन्धविच्छेद,पत्नीबाटै पीडित भई खेपिरहेका थिए मानसिक यातना

शिखर धवनको सम्बन्धविच्छेद,पत्नीबाटै पीडित भई खेपिरहेका थिए मानसिक यातना

१८ असोज, एजेन्सी ।
भारतका स्टार क्रिकेटर शिखर धवन र उनकी श्रीमती आयशाको सम्बन्धविच्छेदलाई अदालतले मन्जुरी दिएको छ । दिल्लीको एक फ्यामिली कोर्टले उक्त मन्जुरी दिएको हो । शिखर धवन आफ्नी श्रीमती आयशा मुखर्जीसँग अलग बस्दै आएका थिए । यस क्रममा अदालतले शिखर धवनलाई छोरासँग वर्षौँसम्म अलग राखेर श्रीमतीले मानसिक यातना दिएको स्वीकार गरेको छ ।

बीबीसी हिन्दीका अनुसार दिल्लीको पटियाला हाउस कोर्टले ३७ वर्षीय शिखर धवनलाई मानसिक यातना दिएको आधारमा सम्बन्धविच्छेदको अनुमति दिएको हो । शिखर धवनका वकिल अमन हिंगोरनीले बीबीसीसँगको कुराकानीमा शिखर धवन निकै खुसी भएको र अब उनले अदालतको पालना गर्ने जानकारी दिएका छन् । अदालतले शिखर धवनले दिएको अधिकांश तर्कलाई स्वीकार गरेको छ ।

तर, अदालतले शिखर धवन र आयशा मुखर्जीका छोरा जोरावरलाई स्थायी कस्टडी राख्ने सम्बन्धमा कुनै आदेश दिन अस्वीकार गरेको छ । अदालतले धवनलाई भारत र अस्ट्रेलियामा छोरालाई भेट्न अनुमति दिएको छ । धवनले अब आफ्नो छोरासँग भिडियो कलमा पनि कुरा गर्न सक्नेछन् ।

अदालतले आयशा मुखर्जीलाई छोराको स्कुल बिदामा हरेक वर्ष भारत आउन र कम्तीमा आधा बिदा बुवा र परिवारसँग बिताउन आदेश दिएको छ । धवनले आफ्नो याचिकामा श्रीमतीले सुरुमा आफूसँग भारतमै बस्ने भनेर सहमति गरेको बताए । उनका अनुसार उनले यसो गर्न सकिनन् र त्यसपछि उनले आफ्नो पूर्व पतिसँग गरेको बाचा अनुसार अस्ट्रेलियामा नै बस्नुपर्ने बताइन् ।

आयशाको पहिलो विवाहबाट उनका दुई छोरी छन् । आयशाले आफ्ना पूर्व श्रीमान्सँग उनी अस्ट्रेलिया छोडेर कतै नजाने बचन दिएकी थिइन् । हाल आयशा आफ्ना दुई छोरी र छोरासँग अस्ट्रेलियामा नै बसिरहेकी छिन् । धवन आयशाभन्दा १० वर्ष कान्छा छन् । अदालतले शिखर धवनले भने अनुशार कोभिडको समयमा आफ्नो बुबासँग बस्न चाहँदा आयशाले धेरै झगडा गरेको विषय पनि सत्य रहेको बताएको छ।

आयशाले धवनलाई आफ्ना दुई छोरीलाई मासिक खर्च पठाउन बाध्य परेकी थिइन । धवनले उनलाई हरेक महिना करिब १० लाख रुपैयाँ पठाएका थिए । अदालतले आयशाले अष्ट्रेलियामा रहेको धवनको सम्पत्तिमा बलपूर्वक दबाब दिएर ९९ प्रतिशत स्वामित्व प्राप्त गरेको पनि बताएको छ । अस्ट्रेलियाली नागरिक आयशाको जन्म भारतमा भएको थियो ।

उनका बुबा भारतीय र आमा बेलायती मूलकी हुन्। शिखरभन्दा १० वर्ष जेठी आयशा किक बक्सर हुन् र राष्ट्रिय तथा अन्तर्राष्ट्रिय प्रतियोगितामा सहभागी भइसकेकी छिन् । आयशाको पहिलो विवाह अस्ट्रेलियाली व्यापारीसँग भएको थियो । यस विवाहपछि आयशाका दुई छोरी आलिया र रिया छन् ।

२०१२ मा आयशाले शिखरसँग विवाह गरेकी थिइन । शिखरले आयशाका छोरीहरूलाई धर्मपुत्रीका रुपमा स्वीकारेका थिए। उनीहरु बीच सामाजिक संजालबाट प्रेम सुरु भएको थियो । पछिल्लो समय धवन राष्ट्रिय क्रिकेट टिममा छनौट नभएपनि आइपिएलमा भने खेलिरहेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.