Nepal Times
Nepal Times
3
Shares

सोविता गौतम विश्वकै युवा राजनीतिज्ञको सूचीमा

सोविता गौतम विश्वकै युवा राजनीतिज्ञको सूचीमा

२० असोज, काठमाण्डौ ।
पार्टी गठन पछिको पहिलो र अन्त्य छोटो समयावधिमा सहभागिता जनाएर पनि देशकै चौथो ठूलो राजनीतिक दल बनेको राष्ट्रिय स्वतन्त्र पार्टीकी प्रभावशाली सांसद सोविता गौतम विश्वकै चर्चित युवा राजनीतिज्ञको सूचीमा परेकी छन् । सोविता ‘योङ वर्ल्ड पोलिटिसियन अफ द इयर’ अवार्डको सर्टलिस्टमा परेकी हुन् ।

वान योङ वर्ल्डले १५ जनाको नाम सर्टलिस्ट गरेको हो । जसमा नेपालबाट गौतम परेकी छन् । १८ देखि ३५ वर्षका नेताहरूलाई सर्टलिस्ट गर्ने वान वर्ल्डले सोविता गौतमलाई २७ वर्षमा सांसद भएकी नेपालको इतिहासकै सबैभन्दा कान्छी सांसद भएको उल्लेख गरेको छ । साथै भ्रष्टाचार विरुद्धको गौतमको अभियान र लोकप्रियताकै कारण राष्ट्रिय स्वतन्त्र पार्टी देशको चौथो ठूलो पार्टी भएको पनि वान वर्ल्डले लेखेको छ ।

उसले लेखेको छ, सोबिताको लोकप्रियताले युवाहरूको आवाजलाई निर्णय प्रक्रियामा प्रभावकारी रूपमा प्रतिनिधित्व गर्ने सुनिश्चित गर्दै राजनीतिमा युवाहरूको संलग्नताका लागि उत्प्रेरकको रूपमा काम गर्छ। राजनीतिमा उनीहरूको प्रभावका आधारमा सर्टलिस्ट गरिएको हो । यी १५ जनामध्ये ५ जनालाई योङ वर्ल्ड पोलिटिसियन अफ द इयर अवार्ड प्रदान गरिनेछ ।

विजेताहरुको घोषणा जुलाइमा युवा विश्व शिखर सम्मेलन वेलफास्ट २०२३ बाट हुनेछ । सोवितासँगै विश्वभरका अन्य १४ हाइ प्रोफाइल युवा मन्त्री, सांसद, मेयर यो अवार्डका लागि मनोनित भएका छन् । जसमा चिलिकी महिलामन्त्री एन्टोनिया कस्मिका, अर्जेन्टिनाकी सांसद कामिला, अस्ट्रेलियाकी विधानसभा सदस्य आयर, अस्ट्रेलियाकै सिनेटर फातिमा, जिम्वावेका जर्ज एम्वान्जा लगायत रहेका छन् ।

२७ वर्षको उमेरमा संसदमा प्रवेश गरेकी सोविता काठमाडौं २ बाट विजयी भएकी हुन् । सोविता पूर्वपत्रकार तथा अधिवक्ता समेत हुन् । नेपाल टेलिभिजनमा काम गर्दागर्दै उनी राजनीतिमा प्रवेश गरेकी हुन् । यस्तै विभिन्न सामाजिक संघसंस्थामा मुख्य भूमिकामा रही बोर्ड सञ्चालन गरेको तथा पर्यटन व्यवसाय सञ्चालन गरेको पनि अनुभव छ । २०५२ सालमा दोलखामा जन्मिएकी उनी कानुनमा स्नातक हुन् । उनले आफ्नो राजनीतिक जीवनमा प्रधानमन्त्री, राष्ट्रपतिसम्मको लक्ष्य राखेकी छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.