१३ कार्तिक, विराटनगर ।
गिरिजाप्रसाद कोइराला फाउण्डेशन अमेरिकाका अध्यक्ष सोमनाथ घिमिरे घानामा मानवीय पुरस्कार ग्लोबलबाट सम्मानित भएका छन् । मानवीय पुरस्कार ग्लोबलका प्रबन्ध निर्देशक रेन्डी डन्क्वाहले सोमनाथ घिमिरेको नेतृत्वमा फाउण्डेशन अमेरिकाले बिशेष गरी कोरोना कहरका बेला, निःस्वार्थ समर्पण र प्रेरणाको कारण धेरै क्षेत्रहरूको र समुदायहरुको समर्थनमा मानवीय पुरस्कार ग्लोबलको व्यवस्थापनले उपलब्धिहरूको लागि “मानवीय पुरस्कार ग्लोबल” बाट सम्मानस्वरुप पुरस्कार प्रदान गरिएको बताए ।
समाजमा खेलेको मानवीय कार्य उच्च प्रशंसनीय रहेको र निरन्तरताको पनि उनले कामना गरेका छन् । घानामा संचारकर्मीहरुसँग कुराकानी गर्दै घिमिरेले विश्वव्यापी मानवीय पुरस्कार समारोहमा सामेल हुन पाउँदा गौरव लागेको र आफ्नो जीवनकालको उपलब्धि, “रूपान्तरण नेतृत्व पुरस्कार“ प्राप्त गर्दै गर्दा यो पुरस्कारले अब नेपाल, अमेरिका र अफ्रिकी राष्ट्रहरु बिच पुलको निर्माण हुने र यी देशहरु बिच शान्ति, समृद्धि र प्रगतिको पुल निर्माण गर्नलाई एउटा बाटो खुलेको बताए ।
उनले अब छिट्टै घाना, नाइजेरिया, सेनेगल, बेनिन, टोगो, कोर्टे ड्वायर र बुर्किना फासोमा गिरिजाप्रसाद कोइराला फाउण्डेशन विस्तार गरिने समेत बताएका छन् । घिमिरेलाई लेबनानका लागि राजदूत महेर खीरले “रूपान्तरण नेतृत्व पुरस्कार”ले सम्मान गरेका थिए ।
घिमिरे २०२३ को यो सम्मान पाउने एक मात्र नेपाली अमेरिकन हुन् । मानवीय पुरस्कार ग्लोबल–घानाले प्रत्येक वर्ष विश्व भरिबाट समाजमा सकारात्मक प्रभाव पारेका मानिसहरुलाई छनोट गरेर यो पुरस्कार दिने गरेको छ ।यस बर्ष, २०२३ मा विश्वभरि बाट ४८ जनाले मानवीय पुरस्कार ग्लोबलले सम्मान गरेको थियो ।
मानवीय पुरस्कार ग्लोबल–घानाले परिवर्तन निर्माताहरू,स्वयंसेवक नेताहरू, गैरसरकारी संस्थाहरू, परोपकारीहरू, समाजमा सहयोग गर्ने कम्पनीहरू वा निगमहरू र मानव सेवीहरूलाई पहिचान गरी सम्मान गर्ने गरेको छ ।
