१२ मंसिर, काठमाण्डौ ।
हिन्दी भाषामा समेत डब गरेर पहिलो पटक भारतसहित विश्वका विभिन्न देशहरुमा प्रर्दशन गरिएको नेपालको सफल चलचित्र प्रेम गीत ३ का मुख्य अभिनेता प्रदीप खड्काको पहिलो हिन्दी फिल्म ‘ऐरी’ निर्माणको घोषणा गरिएको छ । मंगलबार निर्माताले फिल्मको पोस्टर र टिजर सार्वजनिक गर्दै फिल्मबारे जानकारी दिएका हुन् ।
टिजरले फिल्ममा प्रदीपको पात्रबारे जानकारी दिन्छ । टिजरमा फिल्म सिकारीको कथावस्तुमा आधारित रहेको अनुमान गर्न सकिन्छ । जगलतष्लन ष्क जगलतभच ष्क ाबतब ि शिकार भनेको शिकारी हो भन्ने सन्देश दिएको छ। टिजरमा प्रदिपलाई टाउकोमा खुकुरी सहित गुथिएको फेटामा देख्न सकिन्छ ।
‘ऐरी’ शब्दको अर्थ सिकारी हो । टाइटल एनिमेसनमा बाघ र बाघको पन्जाको नङ्ग्राले पार्ने घाउहरुलाई प्रस्तुत गरिएको छ । यो फिल्म मूलतः हिन्दी भाषामा बन्ने र दक्षिण भारतीय भाषाहरुमा समेत स्वरांकन हुने बताइएको छ । जीवन थापाको निर्देशन रहने यो फिल्मलाई सुवास काले, प्रशान्तकुमार गुप्ता र राजन कुँवरले मिलेर बनाउँदैछन् ।
सुवास काले प्रदीपको अघिल्लो फिल्म ‘प्रेमगीत ३’ को हिन्दी संस्करणका निर्मातासमेत हुन् । फिल्ममा नायिका र अन्य कलाकार भने तय गर्न बाँकी रहेको र भारतमा चाँडै छायांकन सुरु गरिने बताइएको छ । आगामी वर्ष रिलिज हुने सिनेमा ठूलो बजेटमा तयार हुने बताइएको छ ।
यो सिनेमा अभिनेता खड्काको पहिलो बलिउड सिनेमा हुनेछ । ‘प्रेमगीत–३’ को हिन्दी डब भारतमा रिलिज भएपछि सोका वितरक सुवास कालेले प्रदिपसँग हिन्दी सिनेमा बनाउने बताउँदै आएका थिए । ‘प्रेमगीत–३’ पछि बलिउडमा समेत प्रदीपको प्रशंसा भएको थियो ।
