१५मंसिर,एजेन्सी ।
इजरायलका प्रधानमन्त्री बेन्जामिन नेतन्याहुले गाजामा युद्ध पूर्ण रूपमा समाप्त नभएको र युद्धविराम पछि फेरि सुरु हुने बताएका छन् । गाजामा युद्धविराम समाप्त हुनु अघि नेतान्याहुको बयान आएको हो। नेतान्याहुले भनेका छन् कि हालका दिनहरूमा यो प्रश्न लगातार सोधिएको छ कि के बन्धक फिर्ताको चरण पूरा गरेपछि इजरायल लडाईमा फर्कनेछ ? यसमा मेरो जवाफ स्पष्ट रूपमा हो, हो ।
हामी पक्कै पनि लडाईमा फर्कने छौं। हाम्रा बन्धकहरूलाई रिहा गरेपछि हामी सैन्य अभियान सुरु गर्नेछौं। नेतान्याहुले भनेका छन् कि हामी लडाईबाट अन्त्यसम्म पछि हट्ने अवस्था छैन। यो मेरो नीति हो र सम्पूर्ण सुरक्षा मन्त्रिपरिषद्ले पनि यसलाई स्वीकार गर्दछ। यो नीतिको पछाडी सिंगो सरकारको हात छ ।
यसका पछाडि सिपाही र जनता पनि छन् । हामीले गर्ने ठ्याक्कै त्यही हो। अर्कोतर्फ, हमास कमाण्डर ओसामा हमदानले लेबनानी अल–मायादीन टिभीलाई भनेका छन्,कि युद्धविराम समाप्त भएपछि सबै सम्भावनाका लागि आफूलाई हमासले तयार पारेका छन्। यदि इजरायलबाट आक्रमण भयो भने उसले जवाफ दिनेछ र यदि शान्ति कायम रह्यो भने उसले पनि शान्ति जारी राख्नेछ।
हमासका एक वरिष्ठ कमाण्डरले आफ्नो संगठन इजरायली जेलमा रहेका प्यालेस्टिनी कैदीहरूको रिहाइको बदलामा सबै बन्धक इजरायली सैनिकलाई रिहा गर्न तयार रहेको पनि बताएका छन् । हमास कमाण्डर र गाजाका पूर्व स्वास्थ्यमन्त्री बसेम नइमले गाजामा युद्धविराम र शान्तिको बारेमा दक्षिण अफ्रिकाको केप टाउनमा पत्रकार सम्मेलनमा बोल्दै आफ्ना सबै बन्दीहरूको सट्टामा आफ्ना सबै बन्धकरूलाई रिहा गर्न तयार रहेको बताएका हुन् ।
नेतान्याहुले युद्धविरामपछि गाजामा फेरि युद्ध सुरु गर्ने घोषणा गरेपछि हमासको यो बयान आएको हो । युद्धविरामपछि हमासले कुल ९७ बन्धकहरूलाई रिहा गरेको छ। जसमध्ये ७३ इजरायली र २४ अन्य देशका नागरिक छन् । गाजामा अझै १५९ जना बन्धक रहेको अनुमान गरिएको छ ।
हमासले इजरायली जेलमा ७ हजारभन्दा बढी प्यालेस्टाइनी बन्दी रहेको बताएको छ । तीमध्ये धेरै अहिले रिहा भएका युवा र महिलाभन्दा धेरै प्रख्यात छन्। हमासले अक्टोबरमा इजरायललाई बन्धकहरूको बदलामा सबै प्यालेस्टिनी बन्दीहरूलाई रिहा गर्न माग गरेको थियो। हमासका वरिष्ठ नेता नइमले मध्यस्थकर्तासँग स्थायी युद्धविरामका लागि वार्ता गर्ने प्रयास गरिरहेकोे बताएका छन् ।
