१५ मंसिर, एजेन्सी ।
नेपालको आवधिक निर्वाचनमा मुलुक बाहिर गएका लाखौ नेपालीहरु समेत बन्चित हुँदै आएकोमा अबको निर्वाचनमा विश्वभर छरिएर रहेका नेपालीहरुmे समेत मतदान गनए पाउने प्रधानमन्त्री पुष्पकमल दाहाल प्रचण्डले वचत दिएका छन् ।
संयुक्त राष्ट्र सङ्घीय जलवायु सम्मेलन (कोप–२८) मा भाग लिन नेपाली प्रतिनिधिमण्डलको नेतृत्व गर्दै संयुक्त अरब इमिरेट्स (यूएई)को दुबई पुगेका प्रधानमन्त्री दाहालले नेपाली समुदायको उपस्थिति रहेको कार्यक्रममा आगामी निर्वाचनमा विश्वभर छरिएर रहेका नेपालीले भोट हाल्न पाउने व्यवस्था गर्न लागिएको जानकारी दिएका हुन् ।
अब हुने निर्वाचनमा विश्वमा छरिएर रहेका नेपालीले भोट हाल्न पाउने व्यवस्था भइरहेको उनले बताएका छन् । विदेशमा बसेका नेपालीले निर्वाचनमा भाग लिन नपाउँदा लोकतन्त्र बलियो नहुने बताउँदै प्रधानमन्त्री दाहालले विदेशमा रहेका नेपालीको मताधिकारका लागि सरकार गम्भीर भएको बताए।
उनले जलवायु परिवर्तनका कारण नेपालजस्ता देशहरुले भोग्नुपरेको असरका बारेमा पनि विश्व समुदायलाई ध्यानाकर्षण गराउने बताए। प्रधानमन्त्री दाहालले आफू आफ्ना एजेण्डा राख्ने तयारीका साथ सम्मेलनमा आएको बताए।
संयुक्त अरब इमिरेट्सका लागि नेपाली राजदूत तेजबहादुर क्षेत्रीले आयोजना गरेको स्वागत कार्यक्रममा सम्बोधन गर्दै प्रधानमन्त्री दाहालले कोप–२८ मा जलवायु परिवर्तनबाट नेपाललाई परेको असरको क्षतिपूर्तिका रुपमा वित्तीय र प्राविधिक सहयोगको अधिकारलाई बलियो ढङ्गबाट उठाउने बताएको प्रधानमन्त्रीको सचिवालयले जनाएको छ ।
सो अवसरमा युएईका लागि नेपाली राजदूत क्षेत्रीले युएई र नेपालबीच व्यापार, पर्यटन र प्रविधिमा सहकार्य गर्नसकेमा नेपालको आर्थिक विकासमा ठूलो योगदान पुग्ने विश्वास व्यक्त गरेका थिए। नेपालमा अब ०८४ मा अर्काे निर्वाचन हुँदैछ ।
त्यसका लागि निर्वाचन आयोगले समेत मुलुक बाहिरका नेपालीहरुलाई मतदानमा सहभागि गराउन सक्ने गरीको प्रस्ताव पेश गरिसकेको छ । यसका लागि आवश्यक कानून बने व्यवस्थापकीय रुपमा यसलाई कार्यान्वयन गर्न सकिने आयोगले बताउँदै आएको छ ।
