Nepal Times
Nepal Times
3
Shares

पुटिनको कार गोली छोड्नुहोस्, बमले पनि असर गर्दैन

पुटिनको कार गोली छोड्नुहोस्, बमले पनि असर गर्दैन

२१ मंसिर,एजेन्सी ।
युक्रेन मात्रै होइन अमेरिकासहित सिंगो युरोपको टाउको दुखाईको केन्द्र बनेका रुसी राष्ट्रपति भ्लादिमिर पुटिन यतिबेला संयुक्त अरब इमिरेट्स (युएई) तथा साउदी अरेबियाको भ्रमणमा छन् । अन्तराष्ट्रिय अदालतको वारेन्टलाई चुनौती दिदै पुटिनलाई अबुधाबीमा भव्य परेडद्वारा स्वागत गरिएको थियो ।

अन्तराष्ट्रिय संचारमाध्यामका अनुशार उनको स्वागतका लागि टाढा–टाढाका सडकहरु रुसी झण्डाले रंगिएका देखिएका थिए । पुटिनलाई गार्ड अफ अनर दिइएको थियो भने युएईका वरिष्ठ नेताहरु उनलाई स्वागत गर्न पुगेका थिए । अत्यन्तै विलासी र भव्य व्यवस्थाका बीचमा पनि रुसी नेताको कारले सबैको ध्यान तान्यो ।

जब पुटिन आफ्नो बमप्रुफ लिमोसिनमा अबुधाबीको सडकमा निस्किए तब उनको लुकले सबैको ध्यान खिच्यो। पुटिनको कार हेर्नको लागि गजबको छ, यसमा फिचर पनि त्यतिनै आधुनिक रहेका छन् । ७१ वर्षीय पुटिनले करिब ५ वर्षदेखि ओरस कोर्टेजको लिमोसिन प्रयोग गर्दै आएका छन् ।

यस कारको विशेषताको बारेमा कुरा गर्ने हो भने यसमा सुरक्षाको दृष्टिकोणले धेरै बलियो सुविधाहरू छन्। यसमा रन फ्ल्याट टियर, नाइट भिजन क्यामेरा, ६ सेन्टिमिटरको कडा गिलास, ग्यास आक्रमणबाट जोगाउन एयर कम्प्रेसन प्रणाली, आर्मर प्लेटिङ र आपतकालीन गेट पनि छ।

यसले सडक संकेतहरू पहिचान गरेर गति बढाउन वा घटाउन सक्छ। यदि कार ठोक्कियो भने यसले स्वचालित रूपमा यात्रु सिटहरूलाई सुरक्षित स्थानमा सार्न सक्छ। यसमा सबै सिटबेल्टहरु स्वचालित छन् । सबै सिट बेल्टहरूले आफैं कस्न सक्छ र त्यसपछि सबै ढोका र झ्यालहरू बन्द गर्न सक्छ।

पुटिनले चलाएको कार रुसी कम्पनी ओरस सेनेटले बनाएको हो । यो कार रुसी वैज्ञानिक अनुसन्धान अटोमोबाइल र अटोमोटिभ इन्जिन इन्स्टिच्युटको सहयोगमा निर्माण गरिएको हो । यो कारको मूल्य १० लाख पाउण्ड रहेको छ । यो कारमा ४ दशमलव ४ लिटरको ८ इन्जिन छ ।

जसले ८८० एनएम टार्क र ५९८ एचपीपावर उत्पन्न गर्न सक्छ। यो २३ फिट लामो छ र ब्यालिस्टिक क्षेप्यास्त्र आक्रमणको सामना गर्न सक्षम रहेको दाबी गरिएको छ। यसको डिजाइनमा १५ करोड पाउण्ड खर्च भइसकेको दाबी गरिन्छ । पुटिन युएईपछि साउदी अरब पनि गएका थिए ।

रुसको युएई र साउदी अरेबियाको भ्रमणबाट धेरै अर्थ निकालिएको छ । सन् २०२२ को फेब्रुअरीमा युक्रेनविरुद्ध युद्ध गरेपछि पुटिन पहिलो पटक अरब देशको भ्रमणमा आएका हुन् । युएई र साउदी अरेबिया दुवै रुसका महत्वपूर्ण व्यापारिक साझेदार हुन्।

यति मात्र होइन यो भ्रमणमा पुटिनले इरानी राष्ट्रपति इब्राहिम रायसीसँगपनि भेट गर्नेछन् । इरान अहिले पश्चिमा र अमेरिकाको प्रदान शत्रु हो । पछिल्लो समय साउदीसँग इरानको सम्बन्ध सुध्रिदै गएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.