Nepal Times
Nepal Times
3
Shares

आज नेप्सेमा ६.५५ अंकको वृद्धि

आज नेप्सेमा ६.५५ अंकको वृद्धि

२८ मंसिर,काठमाण्डौ।

बिहीबार नेपाल स्टक एक्सचेन्ज (नेप्से) ६.५५ अंक बढेर बन्द भएको छ । दिनभर तीव्र उतारचढाव भएको नेप्से परिसूचक अन्तिममा ०.३२ प्रतिशतको वृद्धिसँगै बन्द भएको हो ।यस क्रममा आज ३ अर्ब १५ करोड रुपैयाँ बराबरको ९६ लाख ३७ हजार कित्ता सेयर किनबेच भएको छ । यस्तै, १४० कम्पनीको सेयर मूल्य बढ्दा ९१ कम्पनीको सेयर मूल्य भने घटेको छ ।

यस्तै, १० कम्पनीको सेयर मूल्य स्थिर कायम छ ।आज ४ कम्पनीको सेयर मूल्य १० प्रतिशतले बढेको छ । बोटलर्स नेपाल, हिमालयन लघुवित्त वित्तीय संस्था, नेपाल हाइड्रो डेभलपर्स र नेपाल रिपब्लिक मिडियाको सेयर मूल्य १० प्रतिशतले बढेको हो ।यस्तै, अन्य ६ कम्पनीको सेयर मूल्यमा ९ प्रतिशतभन्दा धेरैको वृद्धि आएको छ ।

परिसूचक ६ अंकले बढेपनि ५ समूहको सूचकमा भने गिरावट आएको छ । आज बैङ्किङ, लगानी, जीवन बीमा, लघुवित्त र व्यापार समूहको सूचक भने घटेको हो । यसबाहेक, विकास बैंक, वित्त, होटल र टुरिजम, जलविद्युत, उत्पादनमूलक, म्यूचुअल फण्ड, निर्जीवन बीमा र अन्य समूहको सूचक बढेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.