Nepal Times
Nepal Times
3
Shares

साम्बाको टिमले तहल्का मच्चाउदै, अर्काे खेल पीएसजीसँग

साम्बाको टिमले तहल्का मच्चाउदै, अर्काे खेल पीएसजीसँग

२८ माघ,एजेन्सी ।
नेपाली राष्ट्रिय महिलाब फुटबल टोली तथा एपीएफ क्लबकी मुख्य फरवार्ड सावित्रा भण्डारी ‘साम्बा’ सम्मिलित एन अभान्ट ग्वेंगम्पले फ्रान्सको शीर्ष डिभिजन लिग डी १ एर्केमा तेस्रो जित निकालेको छ। शनिबार घरेलु मैदानमा भएको खेलमा साम्बा सम्मिलित ग्वेंगम्पले फ्लुरी ९१ लाई ३–१ गोल अन्तरले पराजित गरेको हो।

फ्लुरी ९१ विरुद्धको खेलमा साम्बाले अन्तिम १५ मिनेट मौका पाएकी थिइन्। खेलको पहिलो हाफमा १–० को अग्रता बनाएको गुएङग्याम्पले दोस्रो हाफमा २ गोल थप्दा १ गोल खान पुग्यो। साम्बाले गत साता बोर्डोविरुद्धको खेलमा ७५ औँ मिनेटमा मैदान प्रवेश गर्दै फ्रान्सेली लिगमा डेब्यु गरेकी थिइन्।

जितसँगै १४ खेलबाट १२ अंक जोडेको ग्वेंगम्प तालिकाको दशौँ स्थानमा छ। ग्वेंगम्पले आगामी शनिबार पेरिस सेन्ट जर्मेनसँग खेल्नेछ। शुक्रबार मात्रै फ्रेन्च क्लबमा अनुबन्ध भएकी साम्बा बोर्डोविरुद्धको खेलमा टिम लाइन अफमा समावेश हुँदै वैकल्पिक खेलाडीको रुपमा थिइन् ।

उनले फ्रान्समा लिग खेल्ने पहिलो नेपाली खेलाडीको कीर्तिमान बनाइएकी छन् । यसअघि साम्बाले इन्डियन्स वुमेन्स लिगमा सनसनी मच्चाएकी थिइन् । उनले २०२२–२३ को सिजनमा चार ह्याट्रिकसहित २९ गोल गरेर इतिहासमेत रचेकी थिइन् । त्यस्तै लिगमा ३ सिजन खेलेकी साम्बाको नाममा सबैभन्दा बढी गोल गर्ने रेकर्डसमेत रहेको छ ।

उनले इन्डियन वुमेन्स लिगमा ५९ गोल गरेकी छिन् । उनीपछि ४ सिजन खेलेकी बाला देवीको नाममा ४८ गोल रहेको छ । सावित्राले अन्तर्राष्ट्रिय फुटबलमा नेपालको लागि सर्वाधिक ४३ गोल गरिसकेकी छिन् । घरेलु लिगमा एपिएफबाट खेल्ने साबित्राले भारतीय महिला लिगमा तेस्रो पटक उपाधि उचालिसकेकी छिन् । अब युरोपबाट साम्बाले आफ्नो खेल क्षमता विश्वभर देखाउने छिन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.