Nepal Times
Nepal Times
1.78k
Shares

परिवार बनाउन चाहान्थे इन्जिनियर वैभव बने आइडल

परिवार बनाउन चाहान्थे इन्जिनियर वैभव बने आइडल

२१ फागुन , काठमाण्डौ ।
चर्चित भारतीय गायन रियालिटी शो ’इन्डियन आइडल १४’ को विजेता वैभव गुप्ता बनेका छन्। आइतबार राति भएको ग्राण्ड फिनालेमा कानपुरका वैभव विजेता बनेका हुन्।

भारतीय सञ्चारमाध्यमका अनुसार उनले उपाधिसँगै २५ लाख भारू र मारूतिको ब्रेजा कार पाएका छन्। शोमा शुभदीप दास फर्स्ट रनरअप, पियुष पन्वार सेकेन्ड रनरअप र अनन्या पाल थर्ड रनरअप बने।

फर्स्ट रनरअप शुभदीप र सेकेन्ड रनरअप पियुषले ५÷५ लाख भारू पुरस्कार पाएका छन् भने थर्ड रनरअप अनन्याले ३ लाख भारू पुरस्कार पाइन्। शोको जजमा विशाल ददलानी, कुमार सानू र श्रेया घोषाल थिए।

ग्राण्ड फिनालेमा सोनू निगम र नेहा कक्कड विशेष जज बनेका थिए। प्यारेलाल सिम्फनी च्यालेन्जमा वैभवले १९९१ को एक्शन क्राइम ड्रामा ‘हम’ को झुम्मा चुम्मा दे दे गाएका थिए ।

फाइनलमा वैभवले अन्तिम गीत सोनु निगमसँग जोरु का गुलाम गाएका थिए । फिनालेमा आद्या मिश्रा, अनन्या पाल, पियुष पनवार, सुभदीप दास, अञ्जना पद्मनाभन र वैभव गुप्ताबिच प्रतिस्पर्धा भएको थियो ।

इन्डियन आइडलको ट्रफी जित्नुअघि उनले सन् २०१३ मा भ्वाइस अफ कानपुरको उपाधि पनि जितेका थिए । वैभवलाई सानैदेखि गीत गाउने मन थियो । उनले विद्यालयमै शास्त्रीय संगीत सिके ।

तर, वैभवको परिवारले उनलाई इन्जिनियर बनोस् भन्ने चाहन्थे । तर उनको सानैदेखि गायक बन्ने सपना थियो । तर आफ्नो मिहिनेत र समर्पणले वैभवले आफ्नो सपना पूरा गरेका छन् । इन्डियन आइडल जितेपछि अब उनको लागि बलिउड उद्योगको ढोका पनि खुलेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.