Nepal Times
Nepal Times
3.98k
Shares

रविलाई केकी अधिकारीको खुलापत्र

रविलाई केकी अधिकारीको खुलापत्र

चैत ५ ,काठमाण्डौ।

राष्ट्रिय स्वतन्त्र पार्टीका सभापति तथा उपप्रधान तथा गृहमन्त्री रवि लामिछाने सहकारी प्रकरणमा जोडिएको भन्दै प्रमुख प्रतिपक्ष दल नेपाली कांग्रेसले राजीनामा मागिरहेको बेला कलाकारले भने रविले गृह गृह मन्त्रालय सम्हालेकाले देशमा शान्ति सुरक्षा र सुशासन आउने आशा ब्यक्त गरेका छन् ।

अभिनेत्री केकी अधिकारीले उपप्रधान तथा गृहमन्त्री लामिछानेलाई सामाजिक सञ्जालमार्फत् खुलापत्र लेख्दै यस्तो आशा ब्यक्त गरेकी छन् । अभिनेत्री केकीले भनेकी छिन्, ‘यही आशा छ, तपाईंले गृह मन्त्रालयको जिम्मेवारी लिइरहँदा हरेक नेपालीले आ–आफ्नो गृहमा सुरक्षित महसुस गर्न सक्नेछन् ।’

नारी प्रधान चलचित्र ‘बोक्सीको घर’को प्रदर्शन तयारीमा रहेकी केकीले लामिछानेले गृह मन्त्रालय सम्हालेकाले देशमा हरेक महिलाले आफूलाई घर भित्र र बाहिर सुरक्षित पाउने आशा पत्रमा व्यक्त गरेकी छिन् । समाजमा प्रचलित कुप्रथालाई चित्रण गर्दै सामाजिक–थ्रिलर जनरामा निर्माण भएको ‘बोक्सीको घर’मा मुख्य भूमिका रहेकी अभिनेत्री केकीले लामिछाने गृहमन्त्री बनेपछि कोही पनि अपराधीहरु छुट्ने छैनन् भन्ने पत्रमा लेखेकी छिन् ।

केकीले गृहमन्त्री लामिछानेलाई लेखेको खुलापत्रमा भनिएको छ : “प्रिय रवि दाइ, तपाईंले गृह मन्त्रालयको जिम्मेवारी लिइरहँदा फेरि मनले एउटा आशा बोकेको छ। आशा यो छ कि देशमा सुशासन छाउनेछ । कोही पनि अपराधीहरु छुट्ने छैनन् । कानुनको दायरामा आउनुपर्नेलाई निसंकोच ल्याइनेछ। हरेक महिलाले आफूलाई घर भित्र र बाहिर सुरक्षित पाउने छन् । अनि, हरेक इमानदार व्यक्ति निर्धक्क निडर आफ्नो कर्तव्यमा लाग्न सक्नेछन् । यही आशा छ, तपाईंले गृह मन्त्रालयको जिम्मेवारी लिइरहँदा.. हरेक नेपालीले आ–आफ्नो गृहमा सुरक्षित महशुस गर्न सक्नेछन् । सफल कार्यकालको शुभकामना !! “

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.