पाकिस्तान बलुचिस्तान प्रान्तको विस्फोटमा दुई जनाको मृत्यु

२७ चैत , एजेन्सी ।

पाकिस्तानको दक्षिणपश्चिम बलुचिस्तान प्रान्तको एक बजार क्षेत्रमा भएको बम विस्फोटमा दुई जनाको मृत्यु भएको छ । साथै अन्य १० जना घाइते भएका अधिकारीहरूले बताएका छन् । प्रान्तको खुजदार जिल्लामा मोटरसाइकलमा राखिएको इम्प्रोभाइज्ड बिस्फोटक पदार्थ बिस्फोट भएको प्रान्तका प्रहरीहरुले बताएका छन् ।

आक्रमणमा प्रहरीहरू भने सकुशल भए पनि घटनास्थल नजिकै इस्लामिक पर्व इद अल–फित्रको लागि किनमेल गरिरहेका सर्वसाधारणको मृत्यु र घाइते भएका थिए । घाइते महिला र बालबालिका सहित घाइतेहरुलाई अस्पताल लगिएको छ । अहिलेसम्म कुनैपनि समूहले आक्रमणको जिम्मेवारी लिएको छैन ।