२८ वैशाख, एजेन्सी ।
भ्लादिमिर पुटिनले मे ७ मा लगातार पाँचौं पटक रुसको राष्ट्रपतिको सपथ लिए । त्यसपछि मे ९ मा रुसको विजय दिवसको अवसरमा रेड स्क्वायरमा हजारौं सैनिकको अगाडि पुटिनले युक्रेनमा लडिरहेको आफ्नो सेनाको प्रशंसा गर्दै पश्चिमी शक्तिहरूले विश्वभर द्वन्द्व भड्काएको आरोप लगाएका छन् ।
रूसको विजय दिवस दोस्रो विश्वयुद्धमा नाजी जर्मनीमाथिको विजयको सम्झनामा मनाइन्छ। यस अवसरमा राष्ट्रपति पुटिनले युक्रेन विरुद्धको वर्तमान लडाईलाई “नाजीवाद“ विरुद्धको लडाईको रूपमा बारम्बार परिभाषित गरे। पुटिनले आफूहरुको आणविक शक्ति ‘सधैं सतर्क’ रहेको पनि बताए ।
लगातार आणविक आक्रमणको धम्की दिइरहेको रुसबाट आएको यो वक्तव्यले हलचल मच्चाएको छ । पुटिनले भनेका छन्, “रूसले विश्वव्यापी द्वन्द्व रोक्न सबै काम गर्नेछ, तर साथसाथै हामी कसैलाई पनि धम्की दिन दिने छैनौं। हाम्रा रणनीतिक शक्तिहरू सधैं सतर्क छन् ।” उनले थप भनेका छन्, “रसिया अहिले कठिन, महत्त्वपूर्ण अवधिबाट गुज्रिरहेको छ र रूसको भविष्य हामी सबैमा निर्भर छ।“
पुटिनले आफ्नो सम्बोधनमा आणविक शक्तिको उल्लेख गरेका थिए । हालै पुटिन अमेरिकासँगको हतियार कटौती सम्झौता परमाणु परीक्षण प्रतिबन्ध सन्धिबाट बाहिरिएका छन्। यस हप्ताको सुरुमा, सत्ता लिएपछि, पुटिनले फेरि रुसी सेना र नौसेना साथै युक्रेन नजिकैको सेनालाई समावेश गर्ने गरी आणविक अभ्यासको आदेश दिएका छन् ।
जसका कारण पुटिनले युद्धका क्रममा आणविक हतियार प्रयोग गर्न सक्ने डर पैदा भएको थियो । पुटिनले आफ्नो सेनाको हतियारलाई आधुनिकीकरण गर्ने कुरा पनि उनले गरेका छन् । सेनाका कमाण्डरहरूसँगको भेटमा उनले भनेका छन् ‘आधुनिक सैन्य प्रविधि एकदमै तीव्र गतिमा परिवर्तन भइरहेको छ, यदि सफल हुन भने हामी सधैं एक कदम अगाडि बन्नुपर्छ ।
विजय दिवसको अवसरमा पुटिनले युक्रेन विरुद्धको वर्तमान लडाईलाई “नाजीवाद“ विरुद्धको लडाइको रूपमा बारम्बार परिभाषित गरे। “हामी नव–नाजीहरूको गोलाबारी र आतंकवादी हमलामा मारिएका नागरिकहरूलाई हाम्रो सम्मान गर्दछौं,“ उनले भनेका छन् । रुसी राष्ट्रपति पुटिनको यो धम्कीले आतंक मच्चाएको छ ।
त्यसपछि युक्रेनी राष्ट्रपति जेलेन्स्कीले साउदी युवराज मोहम्मद बिन सलमानलाई बिहीबार फोन गरेका थिए । वार्ताका क्रममा दुई नेताले युक्रेन–रुस संकट समाधानका लागि प्रयास गर्ने विषयमा छलफल गरेका थिए । उनीहरूले साउदी र युक्रेनबीचको द्विपक्षीय सम्बन्धलाई थप मजबुत बनाउने उपायबारे पनि छलफल गरेका थिए।
