Nepal Times
Nepal Times
3
Shares

रुसमा मारिएका नेपालीको अस्तु ल्याइँदै

रुसमा मारिएका नेपालीको अस्तु ल्याइँदै

१७ वैशाख ,  एजेन्सी ।

रुसको मस्कोस्थित नेपाली दूतावासले रुसी सेनामा भर्ती भई रुस–युक्रेन युद्धमा मारिएकामध्ये तीनजनाको अस्तु नेपाल पठाउने भएको छ । रुसी सेनामा भर्ती भई युक्रेनसँगको युद्धमा हालसम्म ४० नेपालीको मृत्यु भइसकेको छ । तीमध्ये परिवारको सहमति र दूतावासको पहलमा तीनजनाको रुसमै अन्त्येष्टि गरिएको थियो ।

परिवारको सहमतिमा रुसमै अन्त्येष्टि गरिएकामा स्याङ्जाका प्रितम कार्की, कास्कीका देवान राई र स्याङ्जाका हरि अर्याल छन् । परराष्ट्र मन्त्रालयका अनुसार तीनजनाको अस्तु अहिले मस्कोस्थित नेपाली दूतावासमा राखिएको छ । “दूतावासले छिट्टै प्रक्रिया पूरा गरेर तीनजनाको अस्तु काठमाडौं पठाउँदै छ,” परराष्ट्रका एक अधिकारीले बताए ।

यस्तै, रुसी सेनामा भर्ती भई युक्रेनसँगको युद्धमा मारिएकामध्ये ६ जनालाई क्षतिपूर्ति रकम उपलब्ध गराउने प्रक्रिया अघि बढेको छ । मृतकको क्षतिपूर्तिका लागि सम्पूर्ण कानुनी प्रक्रिया पूरा गरी परराष्ट्र मन्त्रालयको कन्सुलर सेवा विभागमार्फत कागजात रुस पठाइएको छ ।

मृत्यु भएकामध्ये पहिलो चरणमा स्याङ्जाका कार्की, कास्कीका राई, सन्दीप थपलिया, रुपक कार्की (कपिलवस्तु), गंगाराम मोक्तान (इलाम) र राजकुमार रोका (दोलखा)को परिवारलाई रुसले क्षतिपूर्ति रकम उपलब्ध गराउने छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.