विराटनगर महानगरपालिकाले दुई वर्षभित्र बधशाला सञ्चालनमा ल्याउने तयारी थालेको छ । २०६६ सालमा निर्माण प्रारम्भ भएर अधुरै रहेको बधशालाइ महानगरले दुई वर्षभित्र सञ्चालनमा ल्याउने गरी तयारी थालेको मेयर पराजुलीले जानकारी दिए । यो समाचार आजको उद्घोष दैनिकमा छापिएको छ ।
विराटनगर महानगरको आयोजना तथा हेफर इन्टरनेशनल नेपालको सहकार्यमा आईतबार विराटनगरमा आयोजित कार्यक्रममा बोल्दै मेयर पराजुलीले केन्द्र, प्रदेश, र स्थानिय सरकारको बजेटबाट निर्माण सम्पन्न गर्नेगरी सञ्चालन गर्ने तयारी रहेको बताए ।
लामो समयदेखि निर्माण रोकिएको विराटनगर–८ मा रहेको बधशाला निर्माणका लागि यस वर्ष १ करोड २० लाख बजेट विनियोजन भएको छ ।
