१६ साउन, विराटनगर ।
सामाजिक सेवामा सक्रिय लायन्स क्लब अफ विराटनगर र लियो क्लब अफ विराटनगर पाथिभराले साउन १५ गते खीर खानेको अवसरमा विराटनगरका सर्वसाधारणलाई खिर वितरण गरेको छ ।
मंगलबार साउन १५ गते खीर खाने प्रचलन अनुरुप विराटनगरको हनुमान मन्दिर अगाडि करिब ४ सय जना सर्वसाधारणलाई खीर खुवाएको लायन्स लाइन्स क्लव अफ विराटनगरकी आस्मा चालिसे खनालले बताइन् ।
यसरी वितरण गरिएको खिर क्लबका सदस्यहरू आफैले घरमा पकाएर ल्याएको रिजनल चेयर पर्सन एकता थापा सुवेदीले जानकारी दिइन् ।
लायन्स क्लब अफ विराटनगर र लियो क्लब अफ विराटनगर पाथिभराले विभिन्न चाड पर्वहरु सर्वसाधारणहरुलाई जोडिएर मनाउदै आएको क्लबकी सदस्य सर्वज्ञा गुरुङले जानकारी दिइन् ।
लायन्स र लियोले विभिन्न विद्यालयका विद्यार्थीहरुलाई पाठ्य सामग्रीहरु समेत वितरण गर्दै आएको छ ।
