३१ साउन, विराटनगर ।
काभा वुमन्स भलिबल नेसन्स लिग–२०२४ मा सहभागी नेपाल एपिएफ क्लबकी निरुता ठगुन्नालाई सशस्त्र प्रहरी जवानबाट सहायक हवल्दारमा बढुवा गरिएको छ ।
प्रधान कार्यालयमा बुधबार आयोजित कार्यक्रममा काभा वुमन्स भलिबलमा नेपाललाई उपविजेता बनाउन महत्त्वपूर्ण भूमिका खेलेकी निरुतालाई बढुवा गरिएको हो ।
काभा महिला भलिबल यही साउन १७ देखि २३ गतेसम्म त्रिपुरेश्वरस्थित राष्ट्रिय खेलकुद परिषद्को कभर्ड हलमा सम्पन्न भएको थियो ।
सो लिगको फाइनलमा भारतसँग नेपाल ३-२ को सेटमा पराजित भएको थियो ।
यसैगरी, सशस्त्र प्रहरी सहायक हवल्दार सरस्वती चौधरी र सशस्त्र प्रहरी जवान कविता भट्टलाई नगदसहित सम्मान गरिएको छ । उनीहरूले पनि सो लिगमा उत्कृष्ट प्रदर्शन गरेका थिए ।
