३२ साउन, विराटनगर ।
अखिल नेपाल फुटबल संघ (एन्फा) ले यु-२० फुटबलमा कप्तानको जिम्मेवारी कुशल देउजालाई दिएको छ ।
आइतबारदेखि सुरु हुने यु–२० साफ च्याम्पियनसिप फुटबलमा नेपाली टोलीको कप्तानको जिम्मेवारी मिडफिल्डर कुशलले पाएका हुन् ।
यसअघि नेपाली यु–१९ टोलीबाट खेलिसकेका कुशलले गत वर्ष भएको नेपाल सुपर लिग (एनएसएल) को विसता टिम ललितपुर सिटी एफसीबाट सिनियर टोलीमा खेलेका थिए ।
यु–२० साफ च्याम्पियनसिप आइतबारदेखि एन्फा मैदान सातदोबाटोमा हुँदै छ । सेमिफाइनल र फाइनल खेल भने दशरथ रंगशालामा खेलाउने तयारी गरेको छ ।
च्याम्पियनसिपमा ६ टोलीको सहभागिता रहने छ । समूह ‘ए’ मा आयोजक नेपालसँगै बंगलादेश र श्रीलंका रहेको छ । समूह ‘बी’ मा भारत, माल्दिभ्स र भुटान रहेका छन् । प्रतियोगिताको उद्घाटन खेलमा नेपाल र श्रीलंकाबिच प्रतिस्पर्धा हुँदै छ ।
