२ भदौ , एजेन्सी ।
पछिल्लो समय युक्रेनको आक्रमणको सामना गरिरहेको रुसको पूर्वी तट नजिकै आइतबार बिहान गएको शक्तिशाली भूकम्प गएको छ । भूकम्पपछि ज्वालामुखी विस्फोट भएको छ । राज्यद्वारा सञ्चालित मिडियाका अनुसार भूकम्पको तीव्रता ७ म्याग्निच्युड रहेको थियो । सिभेलुच नामक गरेको उक्त ज्वालामुखी पेट्रोपाभ्लोभ्सक–कामचाट्स्कीभन्दा २ सय ८० माइल टाढा रहेको छ ।
सो सहरमा करिब १ लाख ८० हजार जनसङ्ख्या बसोबास गर्छन् । रुसी सञ्चारमाध्यम टासका अनुसार ज्वालामुखी विस्फोटपछि खरानी ८ किलोमिटरमाथि आकाशसम्म पुगेको थियो । ज्वालामुखी विस्फोटपछि लाभा पनि निस्किएको समाचारमा उल्लेख छ । हालसम्म कोही पनि हताहती भएको खबर प्राप्त भएको छैन ।
भूकम्पको केन्द्रविन्दु पेट्रोपाभ्लोभ्सक–कामचाट्स्कीभन्दा ५५ माइल टाढा रहेको यूएस जियोलोजिकल सर्भेले जनाएको छ । केन्द्रविन्दु जमनको सतहभन्दा ३० माइल गहिराइमा रहेको थियो । भूकम्पपछि शिवलुच ज्वालामुखी विस्फोट भएको छ । टासलाई उद्धृत गर्दै, सीएनएनले भनेको छ कि ज्वालामुखीको खरानी समुद्र सतह भन्दा ८ किलोमिटर माथि बढिरहेको छ।
रिपोर्टमा ज्वालामुखीबाट लाभाको बादल निस्किएको बताइएको छ । कोही घाइते भएको खबर आएको छैन । सिवालुच ज्वालामुखी पेट्रोपाभलोभस्क–कम्चात्स्कीबाट लगभग २८० माइलको दूरीमा अवस्थित छ । यहाँ लगभग १ लाख ८१ हजारको आवादी रहेको तटीय शहर कामचाटका शहर रहेको छ । अमेरिकी भूगर्भ सर्वेक्षण (युएसजीएस) ले भूकम्पको केन्द्रबिन्दु पेट्रोपाभलोभस्क–कम्चात्स्कीबाट करिब ५५ माइल दक्षिणमा र करिब ३० माइलको गहिराइमा रहेको बताएको छ ।
भूकम्पका कारण ठूलो क्षति भने भएको छैन । यद्यपि, सीएनएन र टासलाई उद्धृत गर्दै, सामाजिक सुविधाहरूमा विशेष ध्यान दिएर सम्भावित क्षतिको लागि भवनहरूको जाँच भइरहेको जनाइएको छ । रुसी आपतकालिन मन्त्रालयले भूकम्पका कारण सुनामीको चेतावनी जारी गरेको छैन। यद्यपि, अमेरिकी सुनामी चेतावनी प्रणालीले चेतावनी दिएको छ कि यस भूकम्पबाट खतरनाक सुनामी छालहरू केन्द्रबिन्दुको ३ सय किलोमिटरभित्र रसियाको तटहरूमा सम्भव रहेको बताएको छ। भूकम्पका कारण स्थानीय बासिन्दा घरबार छाडेका छन् । पछिल्लो समय रुस युक्रेनको आक्रमणको सामना गरिरहेको छ । युक्रेनले रुसले विगतमा कब्जा गरेका धेरै गाउँहरु पुनः आफ्नो नियन्त्रणमा लिएको छ । यस क्रममा दर्जनौं रुसी सेनालाई समेत युक्रेनी सेनाले आफ्नो नियन्त्रणमा लिएको छ ।
