२२ भदौ, विराटनगर ।
झापा बिर्तामोड नगरपालिका-४ का एक बालकको डेंगु संक्रमणबाट मृत्यु भएको छ । मृत्यु हुनेमा बिर्तामोड-४ का आठ वर्षीय आलोकजंग बस्नेत रहेका छन् ।
उनको उपचारका क्रममा विराटनगरस्थित नोबल हस्पिटलमा शुक्रबार मृत्यु भएको हो । सुरुमा ज्वरो आएपछि बिर्ताबजारमा रगत परीक्षण गराउँदा डेंगु पुष्टि भएको थियो ।
त्यसपछि बिर्तामोडको झापा नेसनल मेडिकलमा चार दिनसम्म उपचार गराइएको आफन्तले जनाएका छन् । बिर्तामोडमा उपचार सम्भव नभएपछि ती उनलाई विराटनगर ल्याइएको थियो । योसँगै यस वर्ष झापामा डेंगु संक्रमणबाट मृत्यु हुनेको संख्या दुई पुगेको छ ।
