२९ भदौ, काठमाडौं ।
काठमाडौंमा आयोजित नेकपा (एमाले) को जनसंगठन सुदृढीकरण राष्ट्रिय कार्यशाला गोष्ठीलाई सम्बोधन गर्नेक्रममा ओलीले नेकपा एमालेविरु एमालेका अध्यक्ष केपी शर्मा ओलीले एमालेविरुद्ध भयानक घेराबन्दीदेखि राजतन्त्रको पक्षमा भइरहेको आन्दोलनसम्म बोलेका छन् ।
परिवर्तनको विरोधमा रहेका शक्तिहरूले एमालेविरुद्ध भयानक रूपमा घेराबन्दी गरिइरहेको दाबी ओलीको छ । उनले परिवर्तनको संवाहक एमाले भएकाले कसरी कमजोर पार्ने भनेर प्रतिक्रियावादी र परिवर्तन विरोधी शक्तिहरू लागि परेको दाबी गरे । ओलीले अहिले परिवर्तन विरोधीहरू खुलेआम संविधानको विरुद्धमा समेत लागेको उल्लेख गरे ।
उनले भने, ‘नेपाललाई लोकतान्त्रिक देश, शान्ति र सुशासनको व्यवस्थित मार्ग समाप्त नदिने प्रयास भइरहेका छन् । नेपाललाई विकास र समृद्धिको दिशामा बढ्नै नदिने प्रयास भइरहेका छन् । नेपाली जनताको समृद्ध नेपाल, सुखी नेपालीको आकांक्षा सफल हुन नदिन कतिपय जानेर/नजानेर/योजनाबद्ध ढंगले लागि परेका छन्, एउटा माहोल खडा गर्ने कोसिस भइरहेको छ । उनीहरूसँग सत्य र तथ्यको बाटो हुँदैन । सत्यलाई रोकेर असत्यलाई फैलाउन लागि रहेका छन् ।’
ओलीले अहिले एमाले र एमाले नेतृत्वको सरकारलाई गलत देखाउन टाउको टेकेर हिँडिरहेको टिप्पणी गरे । संविधानविरुद्ध अहिले ठूलो शक्ति लागेको दाबी गरेका छन् । स्थानीय तहमा जनसंगठन सुदृढीकरण राष्ट्रिय कार्यशाला गोष्ठीलाई सम्बोधन गर्दै नेपालमा शान्ति सुव्यवस्था हुन नदिने षड्यन्त्र भइरहेको बताए ।उनले भने, ‘अहिले सामन्ति, शिरंकुश र अधिनायकवादी राजतन्त्रको पक्षमा यसरी मान्छे बेसरम उफ्रिएको मैले कहिल्यै देखेको छैन । राजतन्त्र हुँदा पनि केही पञ्चहरु भेला हुन्थ्यो अनि कराउँथे। अहिले त्यो भन्दा बढी आशाधारी कराइरहेका छन् ।’
नेपाललाई विकास र समृद्धिको बाटोमा बढ्नै नदिने प्रयास भइरहेको जिकिर गरे ।
