१ पुष , एजेन्सी ।
स्पेनिस ला लिगाअन्तर्गत आइतबार राति लिग लिडर बार्सिलोनाले लेगानेससँग १–० को हार बेहोरेको छ । यसको बावजुद, गोलअन्तरका आधारमा बार्सिलोना शीर्ष स्थानमा कायमै छ । समान ३८ अंक भएको एट्लेटिको मड्रिड दोस्रो स्थानमा उक्लिएको छ ।
चौथो मिनेट मै सर्जियो गोन्जालेजले गरेको गोल बार्सिलोनालाई हराउन पर्याप्त बन्यो । अर्को खेलमा एट्लेटिको मड्रिड विजयी हुँदै दोस्रो स्थानमा उक्लिएको हो । घरेलु मैदानमा गेटाफेलाई १–० ले हराउँदै एट्लेटिको रियल म्याड्रिडलाई पछि पार्दै दोस्रो स्थानमा उक्लिएको हो ।
६९ औं मिनेटमा अलेक्सान्द्र सोरलोथले गरेको गोलमा एट्लेटिकोले जित निकालेको हो । यस सिजन अवे खेलमा कमजोर प्रदर्शन गर्दै आएको गेटाफेले एट्लेटिकोलाई कडा चुनौती दिएको थियो । तर, गोलरक्षक यान ओब्लाकको उत्कृष्ट प्रदर्शनले एट्लेटिकोको जित सुनिश्चित ग¥यो ।
बार्सिलोनाको प्रदर्शन भने अपेक्षाकृत कमजोर रह्या े। लेगानेसविरुद्ध तीन अंक हासिल गर्दै शीर्षस्थान बलियो बनाउन सक्ने भए पनि बार्सिलोनाले त्यो अवसर गुमाएको हो । लेगानेसका गोलकिपर मार्को दिमित्रोभिचले पहिलो हाफमा बार्सिलोनाको धेरै अवसर रोक्दै शानदार खेल प्रस्तुत गरे ।
प्रशिक्षक हान्सी फ्लिकले दोस्रो हाफमा रोबर्ट लेवान्डोस्की, डानी ओल्मो र लामिन यामाललाई मैदानमा उतारे पनि टोलीमा खासै सुधार आउन सकेन । यो जितले लेगानेसलाई १५औं स्थानमा पु¥याएको छ, जसले रेलिगेसन जोनभन्दा चार अंकको दूरी बनाएको छ ।
यो नतिजाले लिगको थप रोमाञ्चकता बढाएको छ । आगामी शनिबार शीर्ष दुई टोली बार्सिलोना र एट्लेटिकोबीच भिडन्त हुनेछ, जुन उपाधि दौडको लागि निर्णायक हुन सक्छ । १८ खेलमा ३८ अंकसहित बार्सिलोना शीर्ष स्थानमा छ ।
एक खेल कम खेलेको एट्लेटिकोको पनि ३८ र तेस्रो स्थानको रियलको ३७ अंक छ । ला लिगामा आइतवार अन्य खेलमा रियाल बेटिसले भियारियाललाई २–१ ले पराजित गर्यो । डेपोर्टिभो अलाभेस र एथ्लेटिक क्लबले १–१ तथा रियाल सोसिडाड र लस पल्मसले गोलरहित बराबरी खेले ।
यता इङ्लिस प्रिमियर लिगमा दोस्रो स्थानमा रहेको चेल्सीले शनिबार राति ब्रेन्टफोर्डलाई २–१ ले पराजित गर्दै आफ्नो शानदार प्रदर्शनलाई कायम राखेको छ । यो जितपछि एक खेल कम खेलेको लिभरपुलसँगको दूरी दुई अंक (३४) मा झरेको छ ।
एन्जो मारेस्काको नेतृत्वमा टोलीले हाल १० खेलमा अपराजित यात्रा कायम राख्दै सबै प्रतियोगितामा लगातार सात खेल जितिसकेको छ । चेल्सीको लिगमा अन्तिम हार अक्टोबरमा लिभरपुलसँग २–१ को थियो ।
खेलमा चेल्सीका मार्क कुकुरेलाले पहिलो हाफको ४३औं मिनेटमा गोल गर्दै टोलीलाई अग्रता दिलाए । निकोलस ज्याक्सनले ८०औं मिनेटमा अर्को गोल थप्दै स्कोर २–० बनाए । तर अन्तिम क्षणमा ब्रेन्टफोर्डका ब्रायन एमबुमोले ९०औं मिनेटमा गोल गर्दै खेललाई रोचक बनाएका थिए।
त्यसपछि कुकुरेला दोस्रो पहेँलो कार्ड खाँदै मैदानबाट बाहिरिए पनि चेल्सी आफ्नो अग्रता जोगाउन सफल भयो । यो जितपछि चेल्सी तेस्रो स्थानको आर्सनलभन्दा चार अंकले अघि रहेको छ । चेल्सीले अब लिभरपुललाई अझै नजिकबाट चुनौती दिन तयार देखिन्छन् ।
निरन्तर उत्कृष्ट प्रदर्शनले चेल्सीलाई उपाधि दौडमा बलियो स्थान दिलाएको छ । उता खेलको अन्त्यतिर २ गोल गर्दै म्यानचेस्टर युनाइटेडले म्यानचेस्टर सिटीलाई पराजित गरेको छ । म्यानचेस्टर डर्बीमा पुनरागमन जित निकाल्ने क्रममा आइतवार युनाइटेडले सिटीलाई २–१ पराजित गरेको हो ।
जस्को ग्याब्राडिलोले हेड मार्फत गोल गर्दै सिटीलाई पहिलो हाफमा १–० को अग्रता दिलाए । ब्रुनो फर्नान्डेजले ८८ औं मिनेटमा पेनाल्टीमार्फत बराबरी गोल फर्काए। अमाड डेल्लोले उच्च प्रर्दशनमा युनाइटेड जित निकाल्यो ।
उनले अन्तिम मिनेटमा गोल गरेका हुन् । खराब प्रदर्शनबाट गुज्रिरहेको साविक विजेता सिटी २७ अंकका साथ पाँचौं स्थानमा छ। २२ अंकसहित युनाइटेड १३ औं स्थानमा छ । आइतवारका अन्य खेलमा दोस्रो स्थानको चेल्सीले बेन्फोडलाई २–१ ले र टोटनहमले साउथहेम्टनलाई ५–० ले हराएको छ ।
