१६ पुष , एजेन्सी ।
हामी सन् २०२४ को अन्त्य र सन् २०२५ को सुरुवातको ठीक एक दिन अघि छौं । सन् २०२४ मा विश्वले धेरै क्षेत्रहरुमा ठूलो प्रगति गर्यो । त्यसमध्ये फुटबल पनि एक हो । फुटबल अनि महान खेलाडी लियोनल मेसी र क्रिष्टियानो रोनाल्डोको जादुमयी फुटबल र गोलको वर्षाको चर्चा नहुने कुरै भएन ।
२०२४ पनि दुवै खेलाडीका लागि कीर्तिमानी वर्ष रह्यो । विश्व फुटबलका प्रमुख प्रतिद्वन्द्वी जसका लागि विश्व फुटबलका समर्थकहरु नै ठीक दुई कित्तामा बाडिएका छन् । यिनै रोनाल्डो र मेसीले सन् २०२४ मा एक–एक तथ्याङ्कमा एकअर्कालाई पछि पारेका छन् ।
गोलमा रोनाल्डोे तथा एसिस्टमा मेसी अगाडि देखिएका छन् । अमेरिकी क्लब इन्टर मियामीबाट खेलिरहेका अर्जेन्टिनाका मेसीले यो वर्ष ३६ खेल खेल्दै २९ गोल तथा १८ एसिस्ट गरेका छन् । यस्तै साउदी अरेबियाको अल नासरबाट खेलिरहेका रोनाल्डोले ५१ खेल खेल्दै ४३ गोल गरेका छन् भने ७ एसिस्ट प्रदान गरेका छन् ।
यो तथ्याङ्क क्लब र राष्ट्रिय टोली दुवैमा हो । यी दुवै खेलाडी आ–आफ्नो क्लब र राष्ट्रिय टोलीका कप्तान हुन् । ट्रफीका हिसाबले मेसी रोनाल्डोभन्दा २–० ले अगाडि देखिएका छन् । यो वर्ष मेसीकै कप्तानीमा अर्जेन्टिनाले लगातार दोस्रो कोपा अमेरिकाको उपाधि जित्यो ।
साथै मेसीले इन्टर मियामीबाट सपोर्टर्स शिल्ड पनि जित्न सफल भए । यता रोनाल्डो भने ट्रफी जित्ने विषयमा यो वर्ष असफल रहे । उनी नेतृत्वको पोर्चुगल युरोकपको क्वार्टरफाइनलबाटै बाहिरिएको थियो । मेसीले हालसम्म क्लब र राष्ट्रिय टोलीबाट गरी ४५ वटा ट्रफी जितेका छन् ।
यो फूटबल इतिहासकै सर्वाधिक हो । उनकै कप्तानीमा अर्जेन्टिनाले सन् २०२२ मा कतारमा विश्वकपको उपाधि जितेको थियो । रोनाल्डो सम्मिलित टोली पोर्चुगल भने हालसम्म विश्वकपको सेमिफाइनलभन्दा अघि बढ्न सकेको छैन ।
लियोनल मेसीका लागि २०२४को चर्चा गर्नुपर्दा मेसीले आफ्नो क्यारियरको नयाँ अध्याय सुरु गर्दै अमेरिकी क्लब इन्टर मियामीका लागि खेल्न थाले। उनको आगमनसँगै मेजर लिग सकरमा फुटबलको लोकप्रियता उल्लेखनीय रूपमा बढ्यो।
मेसीको नेतृत्वमा इन्टर मियामीले अमेरिकी प्रतियोगिताहरूमा उत्कृष्ट प्रदर्शन गरेको छ। मेसीले अर्जेन्टिनाको राष्ट्रिय टोलीलाई कोपा अमेरिका २०२४ का लागि तयार गर्न महत्त्वपूर्ण भूमिका खेले। अर्जेन्टिनाले मेसीको कप्तानीमा सशक्त खेल प्रदर्शन ग¥यो।
बलोन डी’ओर २०२४ मा मेसी उत्कृष्ट ३ मा स्थान बनाउन सफल भए। मेसीको मियामीमा उपस्थिति र उनका गोलहरूले उनलाई एक अन्तर्राष्ट्रिय ब्रान्डको रूपमा अझै लोकप्रिय बनाएको छ। सामाजिक कार्यहरूमा सक्रिय मेसीले खेल बाहिर पनि आफ्नो प्रतिष्ठा उच्च राख्न यस वर्ष सफल रहे ।
उनले युवा फुटबल खेलाडीहरूको विकासका लागि विभिन्न परियोजनामा संलग्नता देखाएका छन् । उता रोनाल्डोले साउदी प्रो लिगमा खेल्दै नयाँ कीर्तिमान बनाए। उनले अल–नासर क्लबको प्रतिनिधित्व गर्दै गोलको वर्ष बनाएर आफ्नो प्रदर्शनलाई प्रमाणित गरे।
साउदी लिगले रोनाल्डोको उपस्थितिलाई आफ्नो लोकप्रियता र आर्थिक हैसियत सुधार्न प्रयोग ग¥यो। रोनाल्डोले पोर्चुगलको लागि महत्वपूर्ण खेलहरू खेल्दै आफ्नो अनुभव प्रस्तुत गरे। युरो २०२४ को तयारीमा उनले राष्ट्रिय टोलीलाई मार्गदर्शन गरे ।
रोनाल्डोले साउदी लिगमा सर्वाधिक गोलकर्ता बन्ने कीर्तिमान राखे। उनले आफ्नो फिटनेस र निरन्तरताको उदाहरण प्रस्तुत गर्दै ३९ वर्षको उमेरमा पनि विश्वस्तरीय प्रदर्शन गरिरहे। यसवर्ष रोनाल्डोले व्यावसायिक लगानी र प्रचारमा ध्यान केन्द्रित गरे। उनले आफ्नै यूट्युबको सुरुवात गरे ।
जसले लोकप्रियता र कीर्तिमान दुवै कमाएको छ । उनले आफ्नो व्यक्तिगत ब्रान्डलाई साउदी अरब र एशियाली बजारमा विस्तार गरेका छन्। लियोनल मेसी र क्रिष्टियानो रोनाल्डोले २०२४ लाई आफ्नो करियरको नयाँ अध्यायको रूपमा उपयोग गरे।
उनीहरूको प्रतिस्पर्धा मैदानको दायरा भन्दा बाहिर विस्तार हुँदै गएको छ, जहाँ उनीहरूले फुटबलमा योगदान मात्र नभई विश्वव्यापी प्रेरणाको स्रोत पनि बनेका छन्। विदा हुँदै गरेको २०२४मा मेसीले अमेरिकी सपना पूरा गरे भने रोनाल्डोले साउदीमा आफ्नो विरासत बलियो बनाएका छन् ।
