४ चैत , काठमाण्डौ।
खोटाङमा एयर डाइनेस्टीको हेलिकप्टर दुर्घटना भएको छ। बुधबार दिउँसो १२ बजेर २ मिनेटमा केपिलासगढि गाउँपालिका–२ बालावेसीमा एयर डाइनेस्टीको ‘९–एनएफक्यू’ हेलिकप्टर अवतरण गर्नेक्रममा भित्तामा ठोक्किएर दुर्घटना भएको हो।
हेलिकप्टरमा पाइलट सविन थापासहित ६ जना सवार थिए। दुर्घटनामा एक जना घाइते भएको जिल्ला प्रहरी कार्यालय, खोटाङका डीएसपी प्रकाश बुढाथोकीले बताए।
अरु यात्रु सकुशल छन्। प्रहरीका अनुसार दुर्घटनामा काजीबहादुर राई घाइते भएका हुन्। उनलाई उपचारको लागि काठमाडौँ लैजान एयर डाइनेस्टिकै अर्को हेलिकप्टर पुगेको छ।
काठमाडौंबाट शव बोकेर गाउँ पुगेको हेलिकोप्टर दुर्घटनामा परेको प्रमुख जिल्ला अधिकारी रेखा कँडेलले जानकारी दिइन् ।
दुर्घटनामा मानवीय क्षती नभएको जानकारी आफूले पाएको कँडेलले बताइन् ।
केपिलासगढी गाउँपालिका अध्यक्ष समिर राईका अनुसार बारीको डिलमा ल्यान्ड गर्नेक्रममा दुर्घटना भएको हो ।
सुरुमा डिलमा ल्यान्ड हुन लागेको हेलिकोप्टरलाई उठाएर बारीको बीचमा लैजान खोज्दा दुर्घटना भएको अध्यक्ष राईले बताए । घटनाको विस्तृत विवरण आउन बाँकी छ ।
