काठमाडौं – सभामुख डोलप्रसाद (डीपी) अर्याल र अष्ट्रेलियाका लागि नेपालका राजदूत साइमन अन्स्र्टबीच भेटवार्ता भएको छ ।संघीय संसद्, प्रतिनिधिसभाका सभामुखको कार्यकक्षमा भएको भेटमा नेपाल–अष्ट्रेलिया सम्बन्ध, संसदीय सहकार्य, शिक्षा तथा जनस्तरीय सम्बन्धका विषयमा छलफल भएको थियो ।
सभामुख अर्यालले दुई देशका सांसदबीच नियमित आदानप्रदान र सहकार्य बढाउनुपर्नेमा जोड दिँदै नेपाल–अष्ट्रेलिया संसदीय मैत्री समूहलाई प्रभावकारी रूपमा परिचालन गर्नुपर्ने बताए ।
उनले नेपालको मानव संसाधन विकासमा अष्ट्रेलियाले गर्दै आएको सहयोगको प्रशंसा गर्दै शिक्षा तथा क्षमता अभिवृद्धिका क्षेत्रमा सहकार्य विस्तार गर्नुपर्ने बताए ।
राजदूत अन्स्र्टले नेपाल–अष्ट्रेलिया सम्बन्ध थप सुदृढ बनाउन संसदीय तथा जनस्तरीय सहकार्य महत्वपूर्ण रहेको उल्लेख गर्दै आगामी दिनमा सहयोगलाई निरन्तरता दिने प्रतिबद्धता जनाएका छन्।
