विराटनगर : दशैँ यातायात ब्यबसायीका लागि कमाई गर्ने राम्रो चाड हो । राम्रो कमाई हुने भएकाले व्यबसायीहरुले दशैँमा नै नयाँ गाडी थप्ने गर्छन् । तर यो दशैँमा भने विराटनगरबाट कुद्नेगरी एउटा गाडी पनि थपिएको छैन ।
रात्री तथा दिवाकालिन परिवहन सेवाका अध्यक्ष टिकाप्रसाद लिम्बुका अनुसार लामा तथा छोटा दुरीमा कुद्ने गाडीहरु दशैँका मुखमा थप्ने हाडबाजी हुन्थ्यो । तर सरकारले सिण्डिकेट खारेज गरेपछि दशैँमा गाडीहरु थपिएनन् ।
सरकारले यातायात ब्यबसायी संघ भंग गरेका कारण व्यबसायीहरु अन्यौलमा परको उनको गुनासो छ । संघ मार्फत सञ्चालन हुँदा बर्सेनी बस थपिएपनि सिण्डिकेट तोडिएको वर्ष भने नयाँ गाडी थपिएका छैनन् ।
काठमाडौँ विराटनगर कुद्ने ठुला डिलक्स बस दशवटा छन् । माईक्रो ‘हायस’ गाडी पन्ध्र वटा छन् । दैनिक आवतजावत गर्ने गाडीमध्ये एक बस र १५ हायस दिउँसो कुद्छन् भने ठुला ९ वटा डिलक्स बस रात्री सेवा प्रदान गर्छन् ।
साना हायस थपिएपछि ठुला गाडी क्रमश : विस्थापित भएका हुन् । यो समाचार आजको उद्घोष दैनिकमा छापिएको छ ।
