२२ असोज , काठमाण्डौ ।
भारतीय प्रधानमन्त्री नरेन्द्र मोदीले आफ्नो सार्वजनिक जीवन यात्राको २५ वर्ष पूरा भएको अवसरमा प्रधानमन्त्री बालेन्द्र शाह र रास्वपा सभापति रवि लामिछानेले दिए बधाइ तथा शुभकामना ।
सार्वजनिक सेवाको २५ वर्ष पूरा गरेको अवसरमा नेपालका प्रधानमन्त्री बालेन्द्र शाह ‘बालेन’ र सत्तारुढ राष्ट्रिय स्वतन्त्र पार्टीका सभापति रवि लामिछानेद्वारा शुभकामना ब्यक्त।
प्रधानमन्त्री बालेनले एक्समार्फत मोदीलाई २५ वर्षको समर्पित सार्वजनिक सेवाको यात्रा पूरा गरेकोमा बधाई दिँदै आगामी दिनमा पनि मोदी र उनको सरकारलाई निरन्तर सफलता र समृद्धिको शुभकामना दिए ।
यस्तै रास्वपा सभापति रविले पनि मोदीको २५ वर्षे सार्वजनिक सेवाको यात्रालाई उल्लेखनीय भन्दै शुभकामना दिए ।
मोदीको नेतृत्वमा भारतले गरेको रूपान्तरण र तीव्र प्रगति प्रेरणादायी रहेको रविको भनाइ ।
रविले नेपाल–भारतबीच साझा इतिहास, गहिरो सांस्कृतिक सम्बन्ध र जनस्तरको घनिष्ठ सम्बन्ध रहेको बताउँदै दुवै देशबीचको साझेदारीलाई अझ सुदृढ र समृद्ध बनाउन आगामी दिनमा सहकार्यका लागि आफूहरू उत्सुक रहेको बताए ।
गुजरातको मुख्यमन्त्रीदेखि भारतको प्रधानमन्त्रीसम्मको राजनीतिक यात्रालाई मोदीले गरे सार्वजनिक सेवाको यात्राका रूपमा परिभाषित ।
मोदीले सन् २००१ अक्टोबर ७ मा पहिलोपटक गुजरातको मुख्यमन्त्रीको शपथ लिएका थिए।
त्यसपछि उनी गुजरातको मुख्यमन्त्रीका रूपमा दुई कार्यकाल रहे।
सन् २०१४ मा भारतको प्रधानमन्त्री बनेका मोदी लगातार दुई कार्यकाल पूरा गर्दै अहिले तेस्रो कार्यकालमा छन्।
