२७ कार्तिक , काठमाण्डौ ।
तिहारको समयमा मन्त्रालयमै मदिरासहित भोज गरेको आरोप लागेपछि मन्त्री महावीर पुनले सामाजिक सञ्जालमार्फत दिए स्पष्टीकरण ।
उक्त भोज मन्त्रालयमा नभई मामाको बैठक कोठामा साथीहरूसँगको सामान्य भेटघाटका लागि आयोजना गरिएको दाबी ।
पुनका अनुसार भोजका लागि उनले तीन किलो बंगुरको मासु, दुई किलो कुखुराको मासु तथा सागसब्जी किन्न मात्रै खर्च गरेका थिए ।
भोजका परिकार साथीहरू चित्र र लुकेशले पकाएका थिए भने ह्विस्की, वाइन, कोदोको रक्सी र बियर पनि साथीहरूले नै ल्याएका थिए ।
भोजको विषयलाई लिएर आलोचना भएपछि उक्त भोज आफ्नो जीवनकै अन्तिम भोज भएको मन्त्री पुनको भनाइ ।पत्रकारहरूले आफूले देश नै बिगारेजस्तो गरी आलोचना गरेको भन्दै असन्तुष्टि व्यक्त ।
फेसबुकमा उनले आफूले कुनै कुरा नढाँटेको दाबी गर्दै पत्रकारहरूसँग माफीसमेत मागे ।
