विराटनगर, कात्तिक १५
विराटनगर महानगरपालिका १७ वटा वडालाई खुल्ला दिशामुक्त क्षेत्र घोषणा गरेको छ । कुल १९ वडा मध्ये आज तीन वटा वडालाई खुल्ला दिशामुक्त क्षेत्र घोषणा गरिएको हो । महानगरपालिकामा आज एक कार्यक्रमको आयोजना गरी वडा नं २,१२ र १४ लाई खुल्ला दिशामुक्त क्षेत्र घोषणा गरिएको हो ।यो सगै १७ वटा वडा खुल्ला दिशामुक्त क्षेत्र भएका छन् ।
विराटनगर महानगरपालिका मेयर भीम पराजुलीले खुल्ला दिशामुक्त क्षेत्र घोषणा गरिएका वडामा शतप्रतिशत चर्पी निर्माण भई प्रयोगमा आएकाले २, १२ र १४ नं वडालाई खुल्ला दिशामुक्त क्षेत्र घोषणा गरिएको जानकारी दिए ।
उनले बाँकी दुई वडा १८ र १९ लाईपनि कार्तिक मसान्त आवश्य संचरना तयार पारी महानगरलाई नै खुल्ला दिशामुक्त क्षेत्र घोषणा गरिने जानकारी दिए ।
सरकारले ०६८ सालमा राष्ट्रिय सरसफाई गुरु योजना तयार गरी कार्यान्वयमा ल्याई ०१७ भित्रमा खुल्ला दिशामुक्त राष्ट घोषण गर्ने लक्ष्य राखेको छ । सोही अनुसार महानगरलेपनि सरकारको लक्ष्य अनुसार महानगरलाई खुल्ला दिशामुक्त क्षेत्र घोषणाको तयारी गरेको हो ।
