भारतीय प्रधानमन्त्री नरेन्द्र मोदीले नेकपा एमालेका अध्यक्ष केपी शर्मा ओलीलाई सरकार गठन भए लगत्तै भारत भ्रमण गर्न निम्तो दिएका छन्।
ओलीसँग मोदीले बिहिबार दिउँसो टेलिफोनमा संवाद गरेका थिए। कुराकानीबारे नेकपा एमालेका सचिव प्रदिप ज्ञवालीले जारी गरेको विज्ञप्तीमा मोदीले वाम गठबन्धनलाई जितका लागि बधाई दिएको उल्लेख छ।
मोदीले तीनै चरणको निर्वाचन सम्पन्न भएकाले नेपाल अब राजनीतिक स्थायीत्व र समृद्धितर्फ लाग्ने विश्वास व्यक्त गरेका थिए।
ओलीले पनि मोदीलाई नेपाल भ्रमणमा आउन निम्तो दिएका छन्। सरकार गठन भए लगत्तै औपचारिक निमन्त्रणा पत्र पठाउने जानकारी ओलीले मोदीलाई गराएका थिए।
ओलीले नेपालको आर्थिक विकासका लागि भारत र चीनसँग सहकार्य गर्ने बताएका थिए। ओलीले मोदीलाई गुजरात प्रान्तको चुनावमा जितका लागि बधाई दिए।
