विराटनगर,मंसिर १४
मंसिर १६ गतेदेखि विराटनगरमा कर्पोरेट फुटसल टुर्नामेन्ट हुने भएको छ । आयोजक द स्पोर्टस हबले शुक्रबार विराटनगरमा पत्रकार सम्मेलनको आयोजना गर्दै सो बिषयमा जानकारी गराएको हो ।
प्रतियोगिता मंसिर २२ गतेसम्म चल्ने जनाइएको छ । आयोजक समितिका अध्यक्ष प्रज्ञान खनालले लिग अनुसार खेलाईने टुर्नामेन्टमा विभिन्न ६ वटा कर्मशियल बैंकहरुको सहभागिता रहने बताए ।
प्रतियोगिताको ग्रुप ए मा नबिल बैंक,सानिमा बैंक र सिटिजन बैंक रहेका छन । यस्तै ग्रूप बी मा मेगा,जनता र नेपाल बैंक लिमिटेड रहने छन । विराटनगर–२ स्थित फुटसल मैदानमा खेलाईने खेलका बिजेतालाई नगद ५० हजार र रनरअपलाई नगद ३० हजार पुरस्कार प्रदान गरिनेछ ।
