विराटनगर, पुस १
केही समयअघि विराटनगर महानगरपालिकाले बजार क्षेत्रमा राखेका डस्टविनहरु अहिले प्रयोगविहीन बनेका छन् । सडकमा जथाभावी फ्याँकिने फोहोर कम गर्न महानगरपालिकाले बजारक्षेत्रमा राखेका डस्टविनहरु सडकमा हिँड्ने तथा स्थानीयले वास्ता नगरी जथाभावी दुरुपयोग गर्ने गरेका कारण फुटेर काम नलाग्ने अवस्थामा पुगेका हुन् ।
विराटनगर महानगरपालिकाले फोहोर ब्यबस्थापन तथा वातावरण सुधार परियोजना अन्तर्गत बजार क्षेत्रका सडकमा फाल्ने फोहोर कम गर्न प्रतिगोटा करिब १९०० रुपैँयाको लागतमा ३ लाख ८० हजारको २ सय डस्टबिन महानगरका विभिन्न क्षेत्रमा राखेको थियो ।
डस्टविन राख्ने कार्यको गएको असार २४ मा विराटनगर महानगरपालिकाका मेयर भीम पराजुलीले उद्घाटन गरेका थिए । तर महानगरपालिकाले राखेका डस्टविनहरुको अहिले कुनैको बिर्को हराएका छन्, कति राखेको ठाउँमा छैनन्, कुनै ठाउँमा दुई वटा राखिएका छन् भने बजार क्षेत्रमा राखिएका डस्टविनहरु सडकमा तथा फुटपाथमा ढलिराखेका छन् ।
बजारक्षेत्रमा राखिएका ती डस्टविनहरुमा सडकमा फ्याँक्ने फाहोरहरु प्राय फ्याँकेको भटिँदैन । डस्टविन बाहिर फोहोर थुप्रिएको भेटिन्छ भने डस्विन खाली भेटिन्छन यस्तै केही डस्टविनमा स्थानीयले समेत घरबाट कुहिने तथा दुर्गन्धित हुने फोहोरहरु ल्याएर फ्याँक्ने गरेको पाईएको छ । सडकमा हिँड्ने व्यक्तिहरुले डस्टविनमा फोहोर नफ्याँकेर बाटोमा फ्याँक्ने तथा कसैले वास्ता नगरी डस्टविन सडकमा ढालेर हिँड्ने गरेको नगरबासीहरु बताउँछन् ।
विराटनगर–५ का महेन्द्र रामले सडकमा हिड्ने व्यक्तिहरुले फोहर डस्टविनमा नफ्याल्ने गरेको र सडकमै जथाभावी फ्ल्ने गरेकाले नगरका विभिन्न स्थानमा डस्टविन राख्नुको अर्थ नरहेको बताए । उनले भने ‘ बाटोमा हिड्ने मान्छेहरुत परै जावस आसपासका स्थानीय व्यपारी र नगरवासीले पनि फोहर डस्टविनमा फ्याल्दैनन् । कसैले फोहर फ्यालीहालेपनी डस्टविनको विर्को भईँै राखिदिन्छन् । त्यति मात्र कहाँ हो र बजारमा प्लाष्टिक टिपेर हिड्नेहरुले डस्टविननै बोकेर लान्छन र विक्रि गरिदिन्छन् ।’\
त्यस्तै मोरङ कटहरीका ट्याक्सी चालक गंगाराम विश्वकर्माले पनि स्थानीय नगरवासीहरुले डस्टविन सदुपयोग गर्नुको साटो दुरुपयोग गर्ने गरेको बताए । उनले आफु सडकमा दिनहुँ सिटि रिक्सा चलाएर हिँड्दा महानगरका विभिन्न भागमा राखिएका डस्टविनहरु सडकमै जताततै लडिरहेको भेटिने गरेको बताए ।
उनले डस्टविन सदुपयोगका लागि विराटनगर महानगरपालिकाले योजना बनाउनुपर्ने सुझाब दिएका छन् । उनले भने ‘ कसैले पनि डस्टविनमा फोहर फ्याँकेको देख्दिन । विराटनगरका विभिन्न ठाउँमा राखिएका डस्टविनहरु जतततै ढली राखेको देख्छु । यदि सदुपयोग नै नहुने हो भने किन पैसा खर्च गर्नु ? बरु डस्टविन सदुपयोग गर्ने महानगरले कुनै योजना ल्याए राम्रो ।’
नगरको सरसफाईका लागि राखिएका ती डस्टविनहरुमा कसैले वास्ता नगर्दा डस्टविनहरु प्रयोगविहीन बनेका छन् । डस्टविन राखेपछि पनि सरसफाईमा कुनै परिर्वतन देखिएको छैन ।
डस्टविनको प्रयोग नभई थप दुरुपयोग भएका विषयमा विराटनगर महानगरपालिकाका मेयर भीम पराजुलीले भने स्थानीय बजारका पसलेहरुलाई समिति बनाएर उनीहरुलाई नै त्यसको जिम्मा दिने बताए ।
मेयर पराजुलीले भने ‘ डस्टविनको सदुपयोगका लागि हामीले के गरेका छौँ भने स्थानीयहरुलाई समेटेर समिति बनाईदिएर अगाडी बढ्ने सोचमा छौँ । जहाँ जहाँ डस्टविनहरु राखिएको छ त्यहीँका स्थानीयलाई समेटेर डस्टविनको जिम्मेवारी दिने र वडा कार्यालयहरुबाट अनुगमन गराउने हाम्रो सोच छ यो सकभर चाँडै सुरु गर्छौँ ।’
महानगरलाई सफासुग्घर बनाई सुन्दरबनाउनका लागि राखिएका डस्टविनहरुको दुरुपयोग भईरहँदा यस महानगरले गरेको लगानी बालुवामा पानी हाले सरह भएको छ ।
