विराटनगर, पुस १३
मिस्ट्री डान्स गाईज र विराटनगर युवा शक्तिको संयुक्त आयोजनामा विराटनगरमा म्युजिक डिजे नाइट हुने भएको छ ।अंग्रेजी नयाँ बर्षको अवसरमा पुस १६ गते विराटनगरको मारवडी सेवा सदनमा भव्यरुपमा म्युजिक नाईट कन्र्संट हुने भएको हो ।
म्युजिक डिजे नाईटमा जोगवनी, विराट चोक, ईटहरी, लक्ष्मीमार्ग र बिराटनगरमा रहेका ८ वटा डान्स ग्रुपहरुले डान्स गर्ने आयोजकले बिहीबार पत्रकार सम्मेलन गरी जानकारी दिएको छ ।
कार्यक्रममा नेपालका पहिलो डिजे टेन्जिङ सेर्पा, राष्ट्रिय गायिका साईना श्रेष्ठ, भ्वाईलेन वादक कालेपुङ्गका कैलास खालिङको समेत प्रस्तुति रहने जनाईएको छ ।
विराटनगर युवा शक्तिका राहुल सोनीका अनुसार म्युजिक नाईटमा प्रवेशका लागि २ सय रुपैँया टिकट लाग्ने छ । कार्यक्रम बेलुकी ४ बजेपछि सुरु हुने छ ।
