बिराटनगर, पुस १५
१ नम्बर प्रदेशका २ छुट्टाछुट्टै स्थानमा भएको सवारी दुर्घटनामा परी २ जनाको मृत्यु भएको छ भने १ जना गम्भीर घाईते भएका छन् । धनकुटाको पात्लेखोलामा भएको सवारी दुर्घटनामा परी १ जनाको को मृत्यु भएको छ ।
शनिवार साँझ सवा ५ बजेको समयमा धनकुटाबाट धरान तर्फ आउदै गरेको ग ३ ख ६१५१ नम्बरको मालबाहक ट्रक आफै अनियन्त्रीत भई सडकमा पल्टिएको थियो । दुर्घटनामा परि धनकुटा नगरपालिका–६ बस्ने ६२ वर्षीय गुरु प्रसाद दाहाल गम्भीर घाईते भई उपचारको लागि जिल्ला अस्पताल धनकुटा पठाईएकोमा उपचारको क्रममा बेलुका करिब ६ बजे मृत्यु भएको हो ।
सोही दुर्घटनामा परी ट्रकका सह–चालक मेचीनगर नगरपालिका बस्ने बर्ष २१ को चन्दन राजवंशी घाईते भई जिल्ला अस्पताल धनकुटामा उपचार भईरहेको तथा चालक जिल्ला प्रहरी कार्यालय धनकुटाको नियन्त्रणमा रहेको प्रहरीले जनाएको छ । त्यसैगरी सुनसरीको ईटहरी उप–महानगरपालिका–३ देविथानमा ट्याक्टर र मोटरसाईकल एक–आपसमा ठोक्कीँदा मोटरसाईकल चालक ईटहरी ४ बस्ने २६ वर्षीय सुमन परियारको मृत्यु भएको छ ।
शनिवार साँझ साढे ६ बजे ट्याक्टरको ठक्करबाट गम्भीर घाईते भएका उनलाई उपचारको लागि एपेक्स अस्पताल ईटहरी लगिएकोमा थप उचारको लागि बि.पी.कोईराला स्वास्थ्य बिज्ञान प्रतिस्ठान पठाईएकोमा उपचारकै क्रममा राती १२ बजे मृत्यु भएको हो ।
