विराटनगर, पुस १७
विराटनगरमा छैठौं अन्तर्राष्ट्रिय नेपाली टोपी दिवस मनाइएको छ । सामाजिक सञ्जाल फेसबुकमा आबद्ध विभिन्न ग्रुपका युवाहरुले सामुहिक कार्यक्रम आयोजनागर्दै टोपी दिवस मनाएका हुन् ।
‘नेपाली÷ गोर्खाली हुनुमा गर्व गरौं । नेपालीपनलाई संरक्षण,प्रबद्र्धन र विस्तार गरौं ।’ नारा सहित दिवस मनाइएको हो । सो क्रममा नेपाली टोपी पहिरिएका युवायुवतीहरुले झांकी सहित नगर परिक्रमा गरेका थिए ।
स्थानिय संसारीमाई स्थान परिसरबाट निकालिएको लाखे नृत्य सहितको युवायुवतीहरुको ¥यालीले जलजला मोड,गोल्छाचोक हुंदै शनिहाटस्थित विराटनगर महानगरपालिका सम्म पुगेका थिए । त्यहांबाट मेनरोड हुंदै फर्किएको ¥याली फेरी संसारीमाई स्थान परिसरमै पुगेर समापन भएको थियो ।
दौरा,सुरुवाल र ढाका टोपी नेपालीहरुको पहिचान रहेकोले त्यसको जगेर्नागर्न र महत्व झल्काउन अन्तर्राष्ट्रिय नेपाली टोपी दिवसको अवसरमा कार्यक्रम गरिएको कार्यक्रममा सहभागिले बताएका छन् ।
नेपाली पोशाकको संरक्षण र नेपाली टोपी पहिचान भए पनि टोपीको महत्व हराउदै गएको र टोपी राष्ट्र र राष्ट्रियतासंग समेत गासिएकाले संरक्षण र प्रचार प्रसारका लागि टोपी लगाएर प्रदर्शन गरिएको उनीहरुको भनाइ छ ।
कार्यक्रममा सिस्टर हुड,दा¥ही ग्यांग,बिईंग नेपाली र एम आर आर ग्रुप लगायतका युवायुवती सहभागि भएका थिए । २०७० सालदेखि अंग्रेजी नयां बर्षका दिन यो दिवस मनाउन थालिएको हो ।
