विराटनगर : विराटनगर– ८ की ११ वर्षीया रुपमती दासको हत्या भएको नौ दिन पुरा भईसकेको छ । ज्याला मजदुरी गरेर चल्दै आएको परिवार सामान्य दैनिकीमा फर्किन सकेको छैन । घटनायता रुपमतीकी आमा मनिदेवीको आँखा ओभाएका छैनन् । सन्तानको शोकमा भावुक बनेकी उनी रोईरहन्छिन् ।
सोमवार सम्वाददाता पिडितको घरमा पुग्दा मनिदेवीको अवस्था उस्तै थियो । आँगनमा बसेर रोईरहेकी उनलाई एक महिलाले सम्हालिरहेकी थिईन् । ठेला कुदाउँदै आएका रामप्रसाद पनि काममा फर्किएका छैनन् ।
माघ १३ गते सिंघीया खोला किनारमा नग्न अवस्थामा भेटिएकी दासको बलात्कारपछि हत्यामा संलग्न भएको आरोपमा पक्राउ परेका भट्टु भनिने अब्बास र चन्दु मृतक बालिका ओल्लो घर पल्लो घरका छिमेकी हुन् ।
बालिकाको शव भेटिएपछि असुरक्षित महसुस गरेका टोलबासी हत्या आरोपी सार्वजनिक भएपनि सुरक्षित महसुस गर्न सकेका छैनन् । , यो समाचार आजको उद्घोष दैनिकमा छापिएको छ ।
