विराटनगर, फागुन ८
विराटनगरस्थित सुम्निमा बोर्डिङ स्कूलमा चित्रकला तथा हस्तकला प्रर्दशन गरिएको छ । स्कूल परिसरमा बुधबार विद्यार्थीहरूले बनाएको चित्रकला तथा हस्तकलाको विभिन्न समाग्रीहरू प्रर्दशनमा राखिएको थियो ।
कक्षा ६ सम्म अध्ययरत विद्यार्थीहरूले बनाएको विभिन्न चित्र र हातले बनाएको हस्तकलाको सामाग्रीहरू प्रर्दशनमा राखिएको स्कूलकी प्रिन्सिपल सीतला सुब्बाले जानकारी दिइन्।
विद्यार्थीहरूमा भएको प्रतिभालाई उजागर गर्ने उद्देश्यले उनीहरूले बनाएको समाग्रीहरू प्रर्दशनमा राखिएको प्रिन्सिपल सुब्बाले बताइन् । सोही अवसरमा साँस्कृतिक नृत्य समेत प्रस्तुत गरिएको थियो ।
विद्यार्थीहरूले साँस्कृतिक पहिरनमा नृत्य प्रस्तुत गरी सबैलाई मनोञ्जन दिलाए । चित्रकला तथा हस्तकलाको प्रर्दशनीमा अभिभावक, शिक्षक र अतिथिहरूले अवलोकन गरेका थिए ।
