एजेन्सी, फागुन ९
बलिउड सुपरस्टार अक्षय कुमार अभिनीत फिल्म ‘केसरी’ को धमाकेदार ट्रेलर इन्टरनेट रिलिज भएको छ । फिल्मको ट्रेलर विहीबार सार्वजनिक गरिएको हो ।
यो एक पिरियड ड्रामा फिल्म हो । फिल्मलाई अनुराग सिंहले निर्देशन गरेका हुन् । फिल्ममा परिणिती चोपडा, अक्षयको अपोजिट रोलमा छिन् । फिल्मको कहानी १९८७ मा सारागढीको लडाइँमा आधारित छ ।
‘केसरी’ ले बक्सअफिसमा राम्रो कमाई गर्ने फिल्मपण्डितहरुको आँकलन छ । ट्रेलरमा अक्षय जबरदस्त एक्सन अवतारमा देखिएका छन् । फिल्म २१ मार्चमा रिलिज हुँदैछ । यसको कहानी गिरीश कोहली र अनुराग सिंहले मिलेर लेखेका हुन् । करण जोहरसहित धेरै निर्माताको फिल्ममा लगानी छ ।
