एजेन्सी, फाल्गुन १४
विश्वकै २ ठुला टिम स्पेनका रियल मड्रिड तथा बार्सिलोनाको खेललाई दुनियाभरका फुटबल प्रेमीको लागि एउटा ठुलो पर्वको रुपमा हुने गर्छ । यी २ टोलीको खेल संसारमै सबैभन्दा धेरै हेरिने खेल हो । जहाँ यी दुवै टोलीले को भन्दा को कम भन्दै आफ्नो ज्यानलाई नै बाजी राखेर यो खेलमा जम्ने गर्छन । इंगलैंडका दिज्जाग क्लबहरु हुँदा हुदै पनि यो खेललाई ठुलो उपनाम दिनु भने सामान्य कुरा हैन । तसर्थ, उक्त २ टोलीको भिडन्तलाइ धेरै समय अगाबै देखि आफुलाई विश्वकै दमदार टोली हो भनेर देखाउनलाई पनि हो ।
यस्तो छ इतिहास
१९३० बाट सुरु भएको उक्त खेलको घमासान युद्ध अहिलेसम्म जारीनै छ । बार्सिलोनाको घरेलु मैदान क्याम्प नौ संसारकै सबैभन्दा ठुलो रंगशालाको सुचीको दोस्रो स्थानमा आउने गर्छ भने उता रियल मड्रिडको घरेलु रंगशाला यानिकी स्यानतियागो बरनेबु १४ स्थानमा आएपनि संसारभर सबैभन्दा धेरै दर्शक भरिने रंगशालाको सुचीमा अगाडी आउने गर्छ ।
कुल २ सय ३९ खेल भएकोमा रियल मड्रिडले ९५ओटा खेल तथा बार्सिलोनाले ९३ओटा खेल जित्दा ५१ओटा खेल नतिजा बिहिन टुंगिएको छ । घरेलु लिगमा ७२ खेल जितेको रियल मड्रिड भन्दा बार्सिलोना एक खेल कम जितले पछी परेको छ जसमा ३४ ओटा खेल बरावरीमा सक्किएको थियो। तर कोपा-डेल-रेमा भने बार्सिलोनाले २ खेल ज्यादा जित्दै १४ खेलमा जित निकाल्दा रियल मड्रिड १२ खेलमा रोक्किंदा ८ खेल बरावरी भएको थियो । क्रमश : सुपरकोपा तथा च्याम्पियन्स लिगमा भने रियल ले ८ खेलमा जित निकाल्दा बार्सिलोना ४ खेल तथा २ बरावरीमा र रियल मड्रिडले ३ खेलमा जित निकाल्दा बार्सिलोना २ खेल तथा ३ खेलमा बरावरी मा रोकिएको थियो । जसमा कोपा-लिगमा भने जितबिहिन रहेको रियल मड्रिड भन्दा २ खेल तथा ४ बरावरीमा बार्सिलोना अगाडी छ ।
ठुला खेलहरु
रियल र बार्सिलोनाको एउटा खेलमा धेरै गोल गर्ने टोली भने रियल मड्रिड रहेको छ । सन् १९४३को कोपा-डेल-रेको खेलमा ११-१ को भारी अन्तरले बार्सिलोनाले लज्जास्पद हार बेहोरेको थियो । त्यसपछी पनि दोस्रोमा फेरी ८-२ गोल को अर्को अन्तरमा १९३५मा हार भोगेको बार्सिलोनाले १९५० मा घरेलु लिगको खेलमा ७-२ को ठुलो अन्तरले जित दर्ता गर्दै इज्जत जोगाएको थियो ।
एल-क्लासिकोको सबैभन्दा धेरै गोल गर्नेमा लियोनल मेस्सी अगाडी रहेका छन् जसले २६ गोल गरेका छन् भने दोस्रो स्थानमा रियल मड्रिडका पुर्व स्टार क्रिस्टियानो रोनाल्डो रहेका छन् जसले १८ गोल गरेका छन् । ६ लगातार एल-क्लास्सिकोमा गोल गर्नेमा रोनाल्डो अगाडी रहँदै आएका छन् । अन्तत:१४ ह्याट्रिक गर्दै लियोनल मेस्सीको सबैभन्दा धेरै ह्याट्रिक गर्ने खेलाडीको तालिकामा सिरानमा नाम रहदै आएको छ ।
रोनाल्डो नजरियो तथा फिगो जस्ता खेलाडीले बार्सिलोना छोडेर रियलमा अनुबन्ध हुँदा यता स्यामुएल इटो, दानी गार्सियाजस्ता खेलाडीले रियल छाडेर बार्सिलोना गएका थिए ।
उपाधि
घरेलु लिग ला-लिगमा सबैभन्दा धेरै उपाधि जितेको टोली रियल मड्रिड हो जसले ३३ उपाधि जित्दा बार्सिलोना २५ उपाधिमा अल्झिएको छ । कोपा-डेल-रेमा भने ३० खेल जितेको बार्सिलोना अगाडी छ भने रियल १९ खेलले पछी रहँदै आएको छ । कुल उपाधिमा रियलले ९२ ओटा उपाधि उचाल्द बार्सिलोनाले २ ज्यादा उपाधि उचाल्दै उपाधि होडमा अगाडी रहेको छ ।
आजको खेलमा यदि बार्सिलोनाले जित दर्ता गरे कोपाको फाइनलमा मात्र पुग्दैन उसले २ खेल ज्यादा जितेको रियलसंग दुरी घटाएर १ खेलमा पुराउने मौका हुन्छ । यता खराब स्थितिबाट गुज्रिरहेको रियललाइ उक्तखेलमा जित दर्ता गरेर आत्मविश्वास बढाएर अगाडी बढ्ने लक्ष्य हुने छ ।
