इंडियन प्रिमियर लिग (आईपीएल) क्रिकेट आजबाट शुरु हुँदैछ । आजको पहिलो खेल महेन्द्रसिंह धोनी नेतृत्वको चेन्नई सुपर किंग्स् र विराट कोहलीको कप्तानीमा रहेको रोयल च्यालेन्जर्स ब्याङलोरबीच हुनेछ ।
नेपाली समय अनुसार राति सवा ८ बजेबाट खेल शुरु हुनेछ । चेन्नई गतवर्षको आईपीएल बिजेता टीम हो । नेपालका युवा खेलाडी सन्दीप लामिछाने आईपीएलमा खेल्न गएकोले पनि नेपाली दर्शकले आईपीएललाई प्रतिक्षा गरिरहेका छन् ।
२०१८ को आइपीएलमा तीन खेलमात्र खेल्न पाएका सन्दीप यो पटक पनि दिल्ली क्यापिटलबाट खेल्दै छन् । नेपालमा आईपीएललाई चासो र प्रतिक्षाको साथ हेरिरहँदा पाकिस्तानले भने आईपीएलको प्रसारणमा रोक लगाएको छ । त्यहाँका सुचना तथा प्रसारण मन्त्रीले यो कुराको पुष्टि गरेका हुन् ।
एक महिनाअघि पाकिस्तान सूपर लिग (पिएसएल)को प्रसारणमा भारतले रोक लगाएपछि त्यसको जवाफ स्वरुप पाकिस्तानले पनि इंडियन प्रिमियर लिगको प्रत्यक्ष प्रसारणमा रोक लगाएको हो ।
