विराटनगर, चैत १०
मोरङको धनपालथान गाउँपालिका–६ मा रहेको श्री सरस्वती माध्यामिक बिद्यालय दादरबेरिया एसईई परीक्षा केन्द्रले २ जना परिक्षा निरीक्षकलाई निष्काशित गरेको छ भने १ परिक्षार्थीको आजको परिक्षा रद्द गरेको छ ।
बिहान १०ः १० बजेको समयमा उक्त परिक्षा केन्द्रमा शिवशक्ति माध्यामिक विद्यालय सोराभागकी परिक्षार्थी ऐश्वरी राईलाई मोवाईलबाट चिट चोरिरहेको अवस्थामा केन्द्रका केन्द्राध्यक्ष भागवत यादवले फेला पारेपछि परिक्षार्थीको आजको परिक्षा रद्द गरेको जनाईएको छ ।
साथै सोही परिक्षा केन्द्रमा खटिएका शिक्षक संजय चौधरी र शिक्षिका शीलाकुमारी राजवंशीलाई अमर्यादित तरिकाले परीक्षा गराएको भनि दुवै जनालाई एसईई परीक्षा अवधीभर परिक्षा निरीक्षकबाट हटाएको छ ।
